Popular Bible Verses from Hesekijel 4

Share

Un tu tchip tut ap tiri serwi rig, un me tchiwau i doosh o kherestar Israel ap tute pre. 390 (triin-sheel-te-enja-deesh) diwessa hunte wess koi tchiddo ap i phub, un hunte hidjress lengri doosh. Jaake bud bersha anas o Israel doosh ap peste. Jek diwes hako bersheske hunte hidjress lengri doosh.

Un te hi ko tsiro trujel, palle tchip tut i duito kopo tele, kau kopo ap i tchatchi rig, un hidje i doosh o kherestar Juda 40 (star-deesh) diwessa. Jek diwes hi jek bersheske.

Un le tuke gib un djob un bohne un linse un hirsa un dinkel. Un tchip len khetne an jek tcharo, un kre tuke maro kolestar! Kowa hi tiro chapen, hoi chah 390 diwessa, jaake rah har ap tiri serwi rig tchiddo hal.