Popular Bible Verses from Hesekijel 37

Share

Kote penas lo ap mande: Pen glan-wi, hoi kal kokalentsa djal! Pen ap lende: Tumer truk kokale, shunenn, hoi o baro Dewel penell! Kawa penell o baro Dewel, maro rai, ap kal mule kokale: Me anau ducho an tumende, un tumer wenn djido.

Un me tchiwau muskle ap tumende, un mukau mass pral tumende te well, un tserdau hauta pral. Un dau ducho an tumende, te wenn djido. Un tumer dikenn un haiwenn pale, te hom me o baro Dewel.

Un job penas ap mande: “Tu, mensho, wenn kal mule kokale pale djide menshe?” Un me penom: “Baro Dewel, miro rai, tu djineh kowa.”

I soor o baro Deblestar was pral mande, un leskro ducho hidjras man win, un mukas man tele mashkral an i buchli tala. Koja his pherdo mule kokale. Un job mukas man mank lende trujel te djal an i tseli tala. Un me dikom, kote his bud bud kokale, un jon his truk.

Un me rakrom kol laba win, jaake har mange penlo was. Un har kal laba win rakrom, das i gole, har kal kokale khetne wan – kokalo ap kokalo djas pale khetne. Un me dikom, muskle un mass djan pral lende, un hauta tserdas pes pral. Gomme his kek ducho an lende.