Popular Bible Verses from Hesekijel 18

Share

Mange hi gar shukar, te hunte merell jek, penell o baro Dewel, maro rai. Doleske mukenn tumare tchilatche dromma, un djiwenn!

Kokres kowa, kai doosh ap peste anell, hunte merell. I tchawo hunte hidjrell gar i doosh peskro dadestar. Witar gar hunte hidjrell o dad koi doosh, hoi o tchawo ap peste anas. Kowa, kai o tchatchepen kras, ap leste well leskro tchatchepen pale. Un kowa, kai doosh ap peste anas, ap leste well leskri doosh pale.

Mukenn tumare tchilatche dromma! Un lenn tumenge i newo dji un i newo ducho! Hoske kamenn tumer te merell, tumer dran o kheer Israel?

Patsenn tumer, an mire jaka wals mishto, te merell kowa, kai tchilatcho koowa kras? putchell o baro Dewel, maro rai. Na-a, an mire jaka hi shukar, te mukell lo peskro tchilatcho drom un atchell djido.

I tchilatcho, kai mukell peskro tchilatcho drom, un ko tselo tchilatcho koowa, hoi lo kras, un krell kanna, hoi lestar kamau, un hoi mishto un tchatcho hi, sawo hunte merell gar.

Job krell, hoi lestar kamau, un djiwell pal miro tchatchepen. Sawo menshes hi kek doosh ap peste. Job atchell djido. Kowa penau me, o baro Dewel, tumaro rai.