Popular Bible Verses from Hesekijel 12

Share

Doleske pen lenge: Kawa penell o baro Dewel, miro rai: Kowa, hoi penom, well sik. Ko lab hoi me rakrom, well tchatcho. Kowa penau me, o baro Dewel, tumaro rai.

Me, o baro Dewel, penau ap tumende! Kowa, hoi me rakrau, well ninna, un well an i tikno tsiro. Tumenge, kai mukenn tumen tchi te penell, penau me: Jaake rah har tumer djiwenn, krau, te well tchatcho, hoi penom. Kawa penau me, o baro Dewel, tumaro rai.

Tu, mensho, djiweh mank sawe menshende, kai mukenn pen tchi te penell. Kolen hi jaka, te dikenn le, un kamenn tchi te dikell. Un len hi kanda, te shunenn le, un kamenn gar te shunell. Jon mukenn pen tchi te penell.