Popular Bible Verses from Efesarja 1

Share

Me mangau lestar, te krell lo tumare djia pre, te dikenn tumare djijeskre jakentsa, har baro un shukar kowa hi, hoi job i patslende della ap ko tsiro, kai wenn le pash leste an o bolepen khetne. Job das tumen gole, te lenn kowa lauter. Un me mangau lestar ninna, te haiwenn tumer, har bari leskri soor hi, hoi an mende hi, kai patsah. Koi soor hi i emligi bari soor, hoi kras o Jesus Kristes i mulendar djido, un beshas les ap i tchatchi rig o Deblestar an o bolepen, un das halauter an leskre wasta, te well lo o rai pral i tsele rajende un pralstunende, sorele un bare. Kekeskro lab hi bareder har leskro lab an kau tsiro, un ninna an ko tsiro, hoi wella.

Har o bolepen un i phub gar koi his, rodas lo men win, te djas ap o Jesuseskro drom. Job rodas men win, te dell lo men i djudjo dji, te hatsell lo kek doosh ap mende. Jaake bud kamas lo men, te penas lo glan i rah tsiro an peskro dji, te was mer leskre tchawe. Un o Jesus Kristo kras, te wam mer o Debleskre tchawe, jaake har o Dewel kowa kamas

Har o Jesus Kristo ap o trushel meras, un peskro rat menge ratas, las lo mari doosh un phagi mendar. Jaake baro his leskro latchepen ap mende!

Sharas maro Debles! Job hi o Dewel un o dad maro rajestar, o Jesus Kristestar, un das peskro tselo bolepaskro brawlepen mende, kai ham patslo ap o Jesus Kristeste.