Popular Bible Verses from 2. Korintarja 1

Share

Sharas o Debles, o dades maro rajestar, o Jesus Kristestar. Job hi i latcho dad, un les hi i baro dji menge, un mukell men gar kokres. Ninna te well bud pharo koowa ap mende, hi lo pash mende un krell mare djia soreles, te penas mer kolenge latche laba, ap kolende ninna pharo koowa wella, te wenn jon pale soreles, jaake har kras o Dewel mare djia soreles.

Jaake har well bud pharo koowa ap mende o Jesus Kristeske, jaake dell lo men ninna bud soor an o dji.

Maro merepen his glan mare jaka. Kau pharo koowa was ap mende, te dikas buder gar ap mende, na-a, te dikas ap o Debleste, kai krell i mulen djido.

O Dewel krell men, ninna tumen lauteren, soreles an o patsepen ap o Jesus Kristeste. Job rodas men peske win, un das men peskro Ducho. Ko Ducho, hoi an mende hi, sikrell men, kai ham leskro. Doleske djinah, job dell men gomme bud bareder latcho koowa an ko tsiro, hoi wella.

Te well pharo koowa ap mende, well kowa, te wenn tumare djia soreles, un te lenn tumer o Debleskro djipen. Te kras o Dewel mare djia soreles, wenn ninna tumare djia soreles. Un tumer nai rikrenn kol duka win, hoi ap mende ninna hi.