Popular Bible Verses from 1. Korintarja 8

Share

hi men jek Dewel. Kowa hi maro dad an o bolepen, un dran leste well halauter. Un mer ham leske koi. Un men hi jek rai, kowa hi o Jesus Kristo. Lestar was halauter. Un lestar lam mer o newo djipen.

Tumer putchan mandar: “Nai chah mer, kai patslo ham, ko mass, hoi was glan i figura anlo, hoi mangenn le an, har te wals li i dewel?” Hi tchatcho, mer halauter ham gosewo un djinah tchomone pral kau koowa. Koon patsell, te hi les bud goswepen, kowa patsell sik, te hi lo bareder har ko wawar. Koon o djijestar o wawares kamella, koles krell job sorelo un gar tikno. Koon patsella, te hi lo gosewo, kowa djinell gar, hoi tchatcho goswepen hi.

Doleske, te dikell miro phraal, kai chau ko mass, un doleske well lo o Debleskro dromestar tele, palle kamoms me miro tselo djipen buder kek mass te chal.

Kowa hi tumaro koowa, hoi tumer krenna. Ninna te hi kowa jaake, denn jak ap kolende, kai gomme gar soreles an o patsepen hi, te perenn jon gar o Debleskro dromestar tele!