Popular Bible Verses from Rɔmfuɛ Mun 16

Share

Ɔ cɛ kaan Nyanmiɛn b'ɔ man sran di alaje'n, ɔ man amun ´tia Satan su yɛ amun ´nunkun i. Man e Min Jésus yo amun ye tititi!

Aniaan mun, n ´srɛ amun kpa, be nga be fa-man ndɛ nga an fali su su'n, bɔ be fa afiɛn sacilɛ'n wla amun afiɛn'n, bɔ be saci sran ti nun'n, an `nian amun wun be lika. Nán an fa amun wun mantan be.

Afin sran wafa sɔ mun'n, nán Krist b'ɔ ti e Min'n i junman yɛ be di-ɔ. Be bɔbɔ be klun sa liɛ'n yɛ be yo-ɔ. Be fa bé nuan laka be nga be nian wun-man sa wlɛ'n.

Nyanmiɛn kwla o! Afin min jasin fɛ'n nin Jésus-Krist i ndɛ bɔ n kan'n, ɔ nin sa nga Nyanmiɛn yi-mɛn i nglo kle-man e laa bɔ siɛn'n y'a wun i wlɛ'n i ti-ɔ. Nyanmiɛn man an kwla jran kekle. Kɛ ɔ fin mɛn'n i bo bolɛ nun'n, Nyanmiɛn fiali sa sɔ'n su. Sanngɛ siɛn'n, fluwa nga i nuan ijɔfuɛ'm be klɛli'n man y'a wun i wlɛ weiin. Anannganman Nyanmiɛn'n sieli i sɔ nan be kwlaa nga be ti-man Zuif'n be lafi i su yɛ bé nyin yi i. Jésus-Krist ti man e yi Nyanmiɛn bɔ ngwlɛlɛfuɛ fi nun-mɛn i sin'n i ayɛ tititi! Man ɔ yo sɔ!