Popular Bible Verses from Rɔmfuɛ Mun 10

Share

Sɛ ɔ fite ɔ́ nuan kɛ Jésus ti ɔ Min'n, yɛ sɛ a lafi su kpa kɛ Nyanmiɛn cɛnnin i'n, a ´fite nun.

Afin kɛ be lafi su kpa'n, Nyanmiɛn bu be sran kpa, yɛ kɛ ɔ fite be nuan'n, be fite nun.

I sɔ'n ti'n, ndɛ nga sran ti'n yɛ man ɔ lafi Nyanmiɛn su-ɔ, yɛ ndɛ nga be ti'n yɛlɛ Krist ndɛ bɔ be kan'n.

Afin e kɛnngɛn i Nyanmiɛn Ndɛ nga be klɛli'n nun kɛ: «Sran kwlaa ng'ɔ lafi i su'n, i nyin su gua-man ase .» Yɛlɛ kɛ ɔ lɛ-man Zuif, yɛ ɔ lɛ-man Grɛk, be kwlaa be Min'n ti kun, ɔ fɛ i ninnge kpakpa'n man be kwlaa nga be bo flɛ i'n, afin «Sran kwlaa ng'ɔ flɛ e Min Nyanmiɛn'n, ɔ ´fite nun .»

?Sɛ b'a sunman-man sran'n, ɔ ´yo sɛ yɛ ɔ ´kɛn i ndɛ nin-ɔn? Afin be klɛli i kɛ: «Be bɔ be ba jasin fɛ bolɛ'n, be balɛ'n yo sran'm be fɛ .»

?Sɛ b'a dun-man mmua lafi-mɛn i su'n, ɔ ´yo sɛ yɛ be ´flɛ i-ɔ? ?Yɛ sɛ b'a ti-mɛn i dunman'n, ɔ ´yo sɛ yɛ be ´lafi i su-ɔ? ?Yɛ sɛ sran fi kɛn-mɛn i ndɛ kle-man sran mun'n, ɔ ´yo sɛ yɛ be ´ti-ɔ?

Afin be kwlaa nga be lafi Krist su'n, ɔ'a nunnun mmla i su falɛ wafa nga be bu i kɛ sɛ be yo sɔ'n yɛ be ´yo sran kpa'n.