Popular Bible Verses from Ezekiɛl 7

Share

Be ´to be sika'n be ´guɛ klɔ'n nun atin'm be nun. Be sika ɔkwlɛ'n ´saci. Afin cɛn nga Anannganman i ya dan'n ɔ jaso'n, be jɛtɛ ufue nin be sika ɔkwlɛ'm be su kwla-man be de, be ku su yi-man kun, yɛ be klun su like nga be waan be ´yo'n, be su kwla yo-man. Afin jɛtɛ ufue nin sika ɔkwlɛ'n ti yɛ be tɔli tɛ nun nin-ɔn .

Famiɛn'n ´tran sɛ nun. Diewa'n i wla'n ´bo i wun. Nvlefuɛ'm be ´usu sa tututu srɛ b'ɔ ´kun be'n ti. Kɛ be nzuɛn'n fa ti'n i su sa yɛ n ´fa yo be-ɔ. Sa nga be yoli'n yɛ n ´nian su n ´fa di be jɔlɛ nin-ɔn, kpɛkuun be wa si jrɛiin kɛ min yɛ n ti Anannganman nin-ɔn.› »

N su si-man amun aunnvuɛ. N su yo-man amun blɛblɛ. Afin amún sa nga an yoli'n i su afɛ'n yɛ n ´fa yi amun su-ɔ. Amun tete sa'm be ´ka amun afiɛn, yɛ amun wa si jrɛiin kɛ min yɛ n ti Anannganman nin-ɔn.›

N su si-man amun aunnvuɛ. N su yo-man amun blɛblɛ. N ´yo man amun ´fɛ nantilɛ tɛtɛ nga amun nantili'n bé su afɛ'n. Amun tete sa nga amun yoli'n be wa tɔ amun bɔbɔ amún ti su. Kpɛkuun amun wa si jrɛiin kɛ min yɛ n ti Anannganman bɔ n tu sran fɔ nin-ɔn.