Popular Bible Verses from Sa Nga Be Yoli'n 20

Share

N yoli i sɔ n fa kleli amun nan amun kusu an di junman sɔ, nan an uka be bɔ be lɛ-man wunmiɛn'n. An `bu e Min Jésus bɔbɔ i ndɛ b'ɔ kannin'n i akunndan, afin ɔ seli kɛ: ‹Sɛ a cɛ sran like'n, ɔ ti kpa tra kɛ be cɛ wɔ like'n.› »

Sanngɛ m bu-man min wun like fi, n yo sɔ nan m'an wanndi a ju n juwlɛ, nan m'an wie junman nga e Min Jésus fa wlali n sa nun kɛ n yo'n i yo. Junman sɔ'n yɛlɛ kɛ n kan ye dan nga Nyanmiɛn yoli ye'n i ndɛ .

I sɔ'n ti, an `nian amun bɔbɔ amún wun kpa, yɛ an `nian bua fa nga Nyanmiɛn Wawɛ'n fa amun sieli be su'n be su kpa, yɛ an `nian Nyanmiɛn i Asɔnun'n b'ɔ fɛ i bɔbɔ wa'n toli'n i lika.

Siɛn'n, min ´fa amun wla e Min'n sa nun, yɛ n ´fa ye dan bɔ Nyanmiɛn yoli ye'n i ndɛ'n n ´yaci amún sa nun. Ɔ yo man amun ´kwla jran cinnjin, yɛ kusu ɔ ´kwla fa like ng'ɔ sie mannin sran ng'ɔ ti i liɛ mlɔnmlɔn'n man amun.