Popular Bible Verses from Sa Nga Be Yoli'n 17

Share

Nyanmiɛn yoli i sɔ kɛ be `kunndɛ i, wienun-ɔn, sɛ be fuafua be sa-a be ´wun i o, afin ɔ nin ye nin e nun wie fi nun-man mmua.

Sran ng'ɔ yili be'n be kwlaa be osu'n ti kun. Ɔ yili be kɛ be tran asiɛ'n su, ɔ sieli be afuɛ nga be di'n i nuan, yɛ ɔ jali nvle kun nin kun be awɛ.

Nyanmiɛn b'ɔ yili mɛn'n nin i nun like'n kwlaa'n, b'ɔ ti nglo lɔ nin asiɛ'n be Min'n, ɔ tran-man sua bɔ sran kplan mɛn i'n nun.

Yɛlɛ kɛ ɔ'a sie cɛn kun bɔ sɛ cɛn sɔ'n ju'n, ɔ man be ´fa sran'n bɔ be o mɛn'n nun'n be kwlaa ba sran b'ɔ sieli i'n i ja su, ɔ ´di jɔlɛ be weinwein. Kɛ Nyanmiɛn cɛnnin sran sɔ'n, ɔ ti nzɔliɛ b'ɔ kle sran'm be kwlaa kɛ ɔ sieli i jɔlɛ difuɛ sakpa .»

Ɔ man sɛ e ti Nyanmiɛn mma mun'n, nán man e bu i kɛ Nyanmiɛn nin like nga sran'm be bɔbɔ be fa be akunndan be yo'n, sika ɔkwlɛ nin jɛtɛ ufue bɔ be tɔn'n, ɔ nin yɛbuɛ bɔ be sɛ'n, be ti kun.