Popular Bible Verses from 2 Tɛsalonikfuɛ Mun 2

Share

Nán man sran fi laka amun sa fi su. Afin san sran'm be ´jao Nyanmiɛn wun, yɛ bian b'ɔ di-man mmla'n su'n bɔ be sieli i kɛ ɔ mlin'n, ɔ ´yi i wun nglo nan cɛn sɔ'n ɔ'a ju.

Aniaan mun, amun bɔ an ti e Min'n i sran kpa'n, amun ti ɔ fata kɛ e la Nyanmiɛn ase tititi. Afin kɛ ɔ fin i bo bolɛ nun'n, ɔ fali amun kɛ i Wawɛ'n man an kaci i liɛ yɛ an lafi nanwlɛ'n su nan an nyan amún ti.

Ɔ ´kpɔ like nga sran'm be bu be Nyanmiɛn be kwlaa nin like nga sran'm be koto bé bo be sɔ be'n be kwlaa, ɔ ´fɛ i ti kplakpla be lele ɔ ko tran Nyanmiɛn i sua'n nun, ɔ ´se kɛ i bɔbɔ yɛ ɔ ti Nyanmiɛn nin-ɔn .

Man e Min Jésus-Krist bɔbɔ nin e Si Nyanmiɛn b'ɔ klo ye'n, bɔ ye b'ɔ yo ye'n ti ɔ gua ye anwlɛn su nzue tititi'n, b'ɔ man e like kpa bɔ e fa é wla gua su'n, be wla amun yakpa, man an jran kekle yo sa kwlaa ng'ɔ ti kpa'n, yɛ an kan ndɛ kwlaa ng'ɔ ti kpa'n.

I sɔ'n ti, Nyanmiɛn fa sa ng'ɔ ti-man nanwlɛ'n kle be lele ɔ man be lafi ato'n su

Satan yɛ ɔ ´tin bian b'ɔ di-man mmla'n su sɔ'n yɛ ɔ ´ba-a, ɔ man ɔ wa yo sa kekleekle'n kwlaa, ɔ ´yi atrɛ, yɛ ɔ ´yo abonuan sa gblɛ nun . Ɔ ´fa sa tɛtɛ wafa'n kwlaa lakalaka be. Be nga be su mlin'n, ndɛ nanwlɛ b'ɔ man be kwla nyan bé ti'n bɔ be klo-mɛn i, bɔ b'a fa-man su'n ti.

Afin like ng'ɔ wlawla sran mun kɛ be jao Nyanmiɛn nin sran'm bé wun'n, ɔ su di i junman'n nvialiɛ nun lele san Sran ng'ɔ trɛ i ase'n ɔ'a jao lɛ.