Popular Bible Verses from 1 Tɛsalonikfuɛ Mun 5

Share

Man amun klun jɔ tititi. An `koko yalɛ kle Nyanmiɛn titi, nán an yaci. Sa'n kwlaa nun, an `la Nyanmiɛn ase, afin kɛ amun nin Krist-Jésus amu'an kaci sran wunmuan'n ti'n, Nyanmiɛn klo kɛ an yo sɔ.

Man Nyanmiɛn b'ɔ man sran di alaje'n ɔ yo man an kaci i liɛ mlɔnmlɔn, man ɔ nian amun wunmuan'n su, amun klun akunndan'n, nin amun wawɛ'n, nin amun wunnɛn'n, nan cɛn nga e Min Jésus-Krist ´ba'n b'a kputu-man amun! Sran ng'ɔ flɛli amun'n ti nanwlɛfuɛ, i bɔbɔ yɛ ɔ ´yo amun sɔ-ɔ.

An `nian amun wun kpa, sɛ sran yo amun tɛ'n, nán an yo i wie, sanngɛ man kpa nga an fa yo amun wiengu'n nin sran'm be kwlaa'n ɔ kaci amun nzuɛn.

I sɔ'n ti, an `cici amun wiengu wla man ɔ yo sran, afin kɛ an yo i sɔ-ɔ.

Aniaan mun, e ´srɛ amun kɛ an tu be nga be yo sa sukusuku'n be fɔ, an `wla be nga be anwlɛn sɔ-man'n be yakpa, an `uka be nga be lɛ-man wunmiɛn'n, an `tra amun anwlɛn sran'm be kwlaa be wun .

Afin nán é wun ya falɛ ti yɛ Nyanmiɛn fali ye-ɔ, sanngɛ ɔ fali ye kɛ e Min Jésus-Krist ti e nyan é ti.

Amun kwlaa an wun ase, an ti kɛ sran b'ɔ yo sa wia nun sa. E ti-man kɛ sran b'ɔ yo sa kɔnguɛ'n sa, e nun-man aosin'n nun.