Popular Bible Verses from ALIGALE̍SIYA 3

Share

Alɔ ma̍, Ikra̍yisi de alɔ hīya lɛfiyɛ hī yɛka ogbōgbo ɔla̍ā nīi Lihɔ yī Imo̍sīisi ta̍tu̍tu̍ yī nū ma̍ mɛ̍, bū la onīi Ikra̍yisi ɔlɔjā de iyī nū pīya ɔ̄chɛ nīi e̍ gbo ɔ̍ yɛka kulɛhu̍ yī alɔ ma̍. Wu̍chē oji̍ nɛ, Īpū yī Ɔwɔ ka hīka, “Ɔ̄chɛmɔ̄chɛ nīi e̍ ge̍ de ɔ̍ pla la ichō yī ɔchi̍ mɛ̍, ɔ̍lɔma̍ ɔlɔjā tū la yɛka nīi Ɔwɔ gbo ma̍ mɛ̍.”

Wu̍chē yī ɔla̍ā, ɔjɔ̄jā i̍ hɔ̄ abɔ̍ɔ nīi hɔ̄ɔ̄hɔ̄ lipu̍ yī āchɛ yī Iju̍u ba̍la ɛchɛkɔcha gɛ ni̍. Ɔjɔ̄jā i̍ hɔ̄ abɔ̍ɔ nīi hɔ̄ɔ̄hɔ̄ lipu̍ yī afiyɛ ba̍la aywɔ̍lɛ̍ gɛ ni̍. Ɔjɔ̄jā i̍ hɔ̄ɔ̄hɔ̄ lipu̍ yī anyā ba̍la angrɔ̄ɔ gɛ ni̍. Wu̍chē oji̍ nɛ, ala̍ wa̍a̍ de lɛ ūkpo̍he la otū ngmo̍tu̍chɛ̄ ba̍la Ikra̍yisi Iji̍sɔ̄ɔsi.

Ala̍ ge̍ wɛ āchɛ yī Ikra̍yisi, ɔ̍lɔma̍ ala̍ - wɔma yī A̍brahāam nɛ. Bū la ɛbɛ ɔla̍ā, ala̍ ge̍ē nāa ɔjā nīi Ɔwɔ choko̍o ma̍.

O̍ de lɛ i̍ngɔ̍ɔ ke̍e̍ hɛ̄ɛbɛ nīi Ɛchɛkɔcha ge̍ē nāa ɔpiyɛ ɔla̍ā nīi Ɔwɔ choko̍o de A̍brahāam ma̍ ē gala abɔ̄ yī Ikra̍yisi Iji̍sɔ̄ɔsi. Bū la ɛbɛ ɔla̍ā, alɔ wa̍a̍ ge̍ē nāa Uhu nīi Ɔwɔ choko̍o ge̍ē de ma̍ bū la ɔtū ode che Ikra̍yisi.

U̍ma̍ama nūma̍, o̍ lā nyaa mɛ̍ hīka ɔ̄chɔ̄chɛ i̍ ē de ē lɛ kpakpa ba̍la Ɔwɔ bū la lɛlā ɔya̍ lɔkɔ nīi Lihɔ yī Imo̍sīisi chikpo̍ ma̍ ē mɛ ni̍. Wu̍chē oji̍ nɛ, Īpū yī Ɔwɔ ka hīka, “Ɔ̄chɛ nīi de lɛ kpakpa ba̍la Ɔwɔ bū la ɔtū ode che Ɔwɔ ma̍ ge̍ē lɛ ɔhɔ̄leyī.”