Popular Bible Verses from 11 ALIKƆ̍RĪNTI 4

Share

Wu̍chē oji̍ nɛ, i̍ ɔjā nīi āchɛ ē ma̍ la eyī ma̍ nīi alɔ yɛ ē deyīrɛ yī nū a̍ni̍, i̍ma̍ la eyī ni̍ nīi alɔ yɛ ē deyīrɛ yī nū a̍nɛ. Ɔjā nīi ɔ̄chɛ ē ma̍ la eyī ma̍ i̍ ē ri̍yɛchɛ kpɛɛ ni̍. Onīi ɔ̄chɛ i̍ ē ma̍ la eyī ni̍ ma̍ ē ri̍yɛchɛ kpɛɛ ē ku yɛ̄grāa ɔha̍lɔha̍ a̍nɛ.

Wu̍chē yī lɛlā nūma̍ wa̍a̍, ɔjɔ̄jā i̍ ē ti̍ya alɔ ūkpɔ̄tū tū mɛ ni̍. Alɔ jo̍ōkū nyaa hīka ibi̍īyē yī alɔ ɔlamu nūma̍ yɛ amu ē de ē wɔ̄wa wa̍a̍ yɛ gāa mɛ̍, uhu yī alɔ chī yɛ amu ē mla i̍ngɔ̍ɔ mɔ̄chīmɔ̄chī. Akanya ɛha̍ pi̍nyɛ̍ nīi alɔ tū ma̍ la anu̍ yɛ̄grāa ɔha̍ o̍bū ma̍ ge̍ē bī ɔkɔ̄kā ɔnɔ̄kɔ̄kū nīi i̍ ē kwɛ̍ɛjī oko̍ōku̍ ni̍ ma̍ ge̍ē de alɔ la ɔ̄chī iyɔ̄bū. Ɔkɔ̄kā ɔla̍ā ge̍ē ga akanya nūma̍ ɔgɔ̄ga pɛtɛpɛtɛ.

Akanya ē hɔ̄ de alɔ myɛ̄grāa-myɛ̄grāa, o̍ i̍ ē chī de alɔ chāajɛ ɔ̄chɔ̄chɛ̄ ni̍. Alɔ ē ga ē tū la ahu̍lɛ̄lā ɔtɔ̍ɔ̄ta̍ kpɛɛ, alɔ i̍ ē chī pi̍ye̍mā la eyī ode chōche ni̍. Aluji yī alɔ mwɛbɛ mwɛbɛ, alɔ i̍ ē chī wīyatū la lɛya oro̍ōre̍ ni̍. E̍ ē ya̍ alɔ ɔjā dwɔ̄bi̍ dwɔ̄bi̍, e̍ i̍ ē chī de alɔ ē ngmo̍ōngmo̍ ni̍.

Alɔ nīi chī lɛ ɔjā ɔlamu ɔlamu nūma̍ ma̍ chī lɛ bāa yɛ̄hī yī ajɛ ɔbɔbɔ ma̍. Ɔla̍ā ge̍ē chabɔ̄ hīka wɔhu̍ nīi gɔ̄ga wa̍a̍ ma̍, iyī Ɔwɔ lōri̍īnū nɛ, i̍ iyī alɔ ni̍.

E̍ i̍ chɛ̄ mɛ ni̍, wu̍chē oji̍ nɛ, ɔwɔ ɔdwɔ̄bi̍ ɔha̍ amu lipu̍ yī yɛchɛ nūma̍ de wa̍ ūkpɔ̄tū gū. O̍ i̍ chɛ̄ nīi e̍ ma̍ ɛbɛ ɔlɛgēdēgēdē nīi yɛ ē fi̍yajɛ ē de wa̍ ma̍ ni̍. Ɛbɛ ɔlɛgēdēgēdē nīi bū la Wɔ̄kā Ɔlwɔnyɛ yī lɛlā yī rīgā yī Ikra̍yisi nīi lɛ ke̍e̍ bāa Ɔwɔ ɔlɔjā ma̍ nɛ.

Ɔwɔ ɔlɔjā ka hīka ɛbɛ ɔlɛgēdēgēdē ɔla̍ā ɔ̍lɔ ge̍ē fi̍yajɛ ē gāa ɛbɛ odobū. Ɔwɔ ɔla̍ā pi̍i̍, anu̍ ya̍ nīi ɛbɛ ɔlɛgēdēgēdē ɔla̍ā yɛ ē fi̍yajɛ la ūkpɔ̄tū yī alɔ a̍nɛ. Ɔwɔ ya̍ i̍ngɔ̍ɔ hɛ̄ɛbɛ ge̍ē de ɛbɛ ɔlɛgēdēgēdē ɔla̍ā nīi re̍ka lɛlā ojo̍ōje̍ ka̍ka̍ nīi hɔ̄ la rīgā yī Ɔwɔ yɛ ē fi̍yajɛ la inēyī yī Ikra̍yisi ma̍ ē chabɔ̄ hu̍ alɔ.