Popular Bible Verses from 1 Alikɔ̍rīnti 15

Share

Aɛ̍nɛ̍ yī u lēchi̍ lēchi̍! Ala̍ ā yarɛ brii kpakpa gɛ! Ala̍ ā de abɔ̄ ngmu̍wɔ̍hu̍ la u̍ku̍rɔ̍ nīi ala̍ yɛ ē ya̍ de Ādā ma̍ gɛ! Wu̍chē oji̍ nɛ, ala̍ jo̍ōkū mɛ̍ hīka, ɔjāmɔjā nīi ala̍ ge̍ yɛ ē ya̍ lipu̍ yī u̍ku̍rɔ̍ yī Ādā, onīi i̍ ɔlamu ɔlamu ni̍ nɛ i̍ hɔ̄ ni̍ cha̍ka̍ra̍.

O̍gbo̍ ge̍ iyī Ɔwɔ nīi hu̍ nīi alɔ yɛ̍ɛ̄ngrɔ̄ɔ gala abɔ̄ yī Iji̍sɔ̄ɔsi Ikra̍yisi Ādādā yī alɔ ma̍!

Ɔ̄chɔ̄chɛ ge̍ e̍e gwi̍bobo tāa ala̍ ni̍. “Alikpɛ̍ɛ ɔdwɔ̄bi̍ ē bīya abɔ̄lɛ̄lā ɔnɛ̄ɛhɛhi yī ɔ̄chɛ,” nīi e̍ ka ma̍ - ichɛ̄ɛhi nɛ.

Bū la lɛhi ɔyɔ̍ɔ̄ya̍ yī Ɔwɔ, anu̍ nīi n de pīya ɔ̄chɛ nīi wɛ ma̍ hɔ̄ ma̍ a̍nɛ. Lɛhi ɔla̍ā nīi Ɔwɔ ya̍ tāa ami ma̍ ya̍ u̍ku̍rɔ̍ lēchi̍ lēchi̍. Bū la ɛbɛ ɔla̍ā, ami ya̍ u̍ku̍rɔ̍ ga alɛrɔ̄ yī Ikra̍yisi āchɛ ehēhī wa̍a̍ a̍nɛ. Ɔla̍ā i̍ chī - ami ɔlɔjā ya̍ a̍nɛ ni̍, lɛhi ɔyɔ̍ɔ̄ya̍ yī Ɔwɔ yɛ ē ya̍ u̍ku̍rɔ̍ la ibi̍īyē yī u i̍ngɔ̍ɔ a̍nɛ.

Ɔpīyaku̍ be̍e! Yɛngrɔ̄ɔ ɔyɔ̍ɔ̄ya̍ yī wɔ gba̍a kɔ̍ɔ̄ gɛ? Wɔhu̍ obī ya̍ āchɛ ɔjā nīi a lɛ ma̍ gba̍a kɔ̍ɔ̄ we̍ gɛ, Ɔpīyaku̍?” Ɔpīyaku̍ nāa wɔhu̍ obī ya̍ āchɛ ɔjā bū la abɔ̄lɛ̄lā ɔdwɔ̄bi̍ nīi hɔ̄ ma̍. Lɛlā ɔdwɔ̄bi̍ chī nāa wɔhu̍ yī nū bū la abɔ̄ yī Lihɔ yī Imo̍sīisi nīi hɔ̄ ma̍.

Ala̍ ma̍ gɛ ko̍ō! N ge̍ē koko̍o yī lɛlā ɔtrɛ̍ba ɔha̍ ē de ala̍: Alɔ i̍ ge̍ē pīyaku̍ wa̍a̍ o̍bū ni̍; o̍bū nīi ɔ̄chɛ ge̍ē cheyīkpa̍ ma̍, alɔ wa̍a̍ ge̍ē ku̍ ē pīyabɔ̄ta̍ ɔpɔ̄ɔpɛ̄ nīi lɛjī ogwīihi ɔla̍ā ge̍ē kɛlā ma̍. Lɛjī ɔla̍ā ge̍ē kɛlā ma̍, okū wa̍a̍ ge̍ē hye̍ēyī de pīya āchɛ i̍ko̍ōku̍ mɛ gɛ ni̍. Alɔ wa̍a̍ chī ge̍ē pīyabɔ̄ta̍ ɔpɔ̄ɔpɛ̄.

Lɔkɔ nīi ɔngrɔ̄ɔ ūkpo̍he hu̍ nīi ɔpīyaku̍ hɔ̄ de āchɛ̄ɛchɛ a̍nɛ ma̍, i̍ngi̍ngɔ̍ɔ nīi ɔngrɔ̄ɔ ūkpo̍he titi hu̍ nīi okū ge̍ē hye̍ēyī we̍ a̍nɛ. Lɔkɔ nīi āchɛ̄ɛchɛ wa̍a̍ pīyēku̍ gala abɔ̄ yī A̍dāam ma̍, i̍ngi̍ngɔ̍ɔ nīi āchɛ̄ɛchɛ wa̍a̍ de wōwi gala abɔ̄ yī Ikra̍yisi a̍nɛ.

Wu̍chē oji̍ nɛ, ɔjā nīi ē ko̍ōku̍ ē mɛ ma̍ ge̍ē de pīya i̍ko̍ōku̍ mɛ gɛ ni̍. Ɔjā nīi ge̍ē pīyēku̍ ē mɛ ma̍ i̍ ge̍ē pīyēku̍ ē mɛ ē gɛ ni̍.

Wu̍chē oji̍ nɛ, Ikra̍yisi ge̍ē re̍ ɔchwɔ̄lɛ̍ i̍ngɔ̍ɔ kpɛɛ gbo̍ ɔ̄chī nīi Ɔwɔ ge̍ē de aluji yī nū wa̍a̍ ē gwō, ē kpo̍ wā tū ɔ̄ la apli̍kpo̍ o̍bū ma̍. Oluji ogwīihi nīi Ɔwɔ ge̍ē de ɔ̍ ē gwō ma̍, ɔpīyaku̍ nɛ.