Popular Bible Verses from Rúman 8

Share

Be byimu byi-nyît ng byi/fu, Osówo mu o-chi i kángkáng byěm byi-nwa byi-kye banet ḿbé nyǐ mu o-jê ng kámbé. Banet ḿbé nyǐ oo/kó, eringe nyí odachi ńkyí nyǐ mu o-ryuu ng.

Ké ebóng, me mu n-nyît ng ké ntûntû n/fu, chwǒm kyi*fí ńkyí kyida bě eman epap* ké kyijé emen*. Nang bukyû nang dyikpen nang byibî-barím nang bací nang bakye nang nkéré mú kántîk nang mú mu o-bâ ké kashú nang oshê mú kyíbóng nang oshê-bakúsí, chwǒm kyi*fí nang kyibónge* ké kángkáng byěm ḿbyí Osówo o/chi* ńkyí kyi/chi kyi-man bě epap ké kyijé ńkyí Osówo* ńkyí nkyi ńkyí eten ké bubwô ḿbú Jisos Karâs, Otu Kyítá eten*.

Ké bukwóp ámbu bubónge, nang ké byimu kyeekyee, Busun-Osówo mbu bu-bâ ng bě echwáp. Ké ebóng, be byi*fí byi-nyît ng eringe nyí byi/mû byi/chi byi-kûfé nshwam*. Busun-Osówo buyén mbu bu-tîm m Osówo arông ké bubwô eten ne dyibyê ńdyí ejá nyí ee*nwa esét*.

Ne kángkáng byěm ḿbyín ké dyityém, be byi-sét ng ebóng. Â Osówo mu mú eten, yeě odaman enwa ne be.

Ké bubwô ámbu kâng, Osówo o*fí o-két ng mpan kántîk* o-bên banet ḿbé mbe ba-kyú u ké ocibi ne Jisos Karâs*.

Ńkyí dyityém eyên ńdyí kyibî dyida ǒ ecít kyi-cen n ne bukyû. Ńkyí Busun-Osówo budacít dyityém eyên kyi-cen n ne dyikpen ne bunyîn-dyityém.

Aa*wááng*. Ké kángkáng byěm ḿbyín, be bii/kpógê ké bubwô ḿbú nyǐ mú byimu byi-jê ng ǎ.

Me mu n-nyît ng ké ntûntû n/fu, afaníkong nyí byimu byi-ri ng ké kyikim-nkéré ńkyí kántîk a*da/fyi nang kaǎnyín ne busan ḿbú ragerage ḿbú Osówo o/chi o-tông bě*.

Yeě kâng mú oda bě eman epap ké kyijé ńkyí Karâs. Chwǒm kyi*fí ńkyí kyida bě eman epap ké kyijé ńkyí Karâs* nang byi-bwa byi-nung ké afaníkong* nang byěm byi-sóng bě* nang banet ba-kye bě busông* nang byimu esong* nang byimu kyikpu* nang byimu ké bukwóp ḿbú bukyû* nang bukyû bu-bwa bu-ju bě*.

Ne Osówo mú mu o-ri ng atyém nyí banet mu o-nyît ng eringe nyí okabe mú Busun-Osówo mu. Ké ebóng, Busun-Osówo mbu ne Osówo bu-tîm m ǎ arông ké bubwô ḿbú banet-Osówo, ké bukwóp ḿbú Osówo mu o-ryuu ng.

Banet ḿbé mbe ba-mîng ng Busun-Osówo bu-tông kámbé kiǐfáng ba-chi i bwǎn-Osówo.

Ké ebóng, banet ḿbé mbe ba-kyú u wǎ eringe nyí atyém ebe nyi a-sét ng kámbé, ńkyí atyém ebe nyi a-ryuu ng kii/cít kámbé. Banet ḿbé mbe ba-kyú u wǎ eringe nyí Busun-Osówo mbu bu-sét ng kámbé, ńkyí Busun-Osówo mbu bu-ryuu ng kii/cít atyém ebe.

Nang Wǎn emen o*da/man eyip o-tî ké esim* nké o/yip ǎ o-chi kyifen ké dyishí eten ashí amúmú. Nyǐ o/yip Wǎn emen o-kye bě. Nyǐ oo*ba/chi o-yip kángkáng byěm o-kye bě dyikáá dí*.

Busun-Osówo mbu bu-kúng ng byiko emen bu-cibi ng ne basun ḿbé eten, eringe nyí byidasét byi/fu, be byi-chi i bwǎn ḿbé Osówo. Ké bubwô ḿbú byimu bwǎn emen, be byi/chi byi-koo banjware emen ḿbé o/tî banet emen. Ne byi/chi byi-cibi to ne Karâs, byi-koo ńkyí Osówo oo/tî ǎ. Ké ebóng, â be byi/ri afaníkong nyí Karâs o/ri, byi/chi byi-nung to ké busan emen ḿbú ragerage.

Ne onet kâng o-firi ng onet-bushwôn-Osówo, â dyityém emen ńdyí kyibî dyi/cít ǎ. Ké ebóng, onet ámu oo*chi ńkyí kyije-Osówo kyi/sét* ne ké ntûntû nyǐ oo*man echi ńkyí kyije-Osówo kyi/sét*.

Ejíí emúmú nyí Osówo o/chi nyi e-ryuu ng kanong kanong, e-bám m e/fu, Osówo otông kányí bwǎn emen wááng.

Ké ebóng, be byimu byi-nyît ng byi/fu, tete kyi-ribi ké nkéré mú kántîk, ejíí emúmú nyi e-byâ ké busông, wǎ busông ḿbú onyinyi odari ké nkéré o-kú o-fwon n.