Popular Bible Verses from Rúman 14

Share

Ké ebóng, Butu ḿbú Osówo bu*da/kim ne byiryíng eryí ne bato ejwáp*. Nké bu/kim ne kanong echi ne bunyîn-byityém ne ojêe ké kafâ-dyityém eyên ḿbyí Busun-Osówo mbu bu-kyâ. Ne nang yeě nké mu o-fâ Karâs ké bukwóp ḿbún, Osówo o-kyú u ké bunyîn-dyityém ne nyǐ, banet to ba-kpee ng ǎ.

 be byi/kpen, byimu byi-kpen n eringe nyí byidafé Otu Kyítá. Nang byi/bwa byi-kpú to, byimu byi-kpú u eringe nyí byidafé Otu Kyítá. Nang byimu byi-kpú u, nang byimu byi-kpen n kâng, Otu Kyítá nké o/já bě.

Ké bubwô ḿbún kâng, be kángkáng nkéré byi-man byi-tî achi ké byěm echi ḿbyí byidabê ne bunyîn-dyityém ne ḿbyí byidachi barî-banet ba-jê ké dyityém ebe ńdyí ba/fé ne Karâs.

Kántîk kâng, byimîng barî bampan epan ké byiko. Nké ńkyí ben ba/chi ba-kabe ba-chi nkyi něen. *Da n̂g echi barî-banet enen ḿbé ba/bángê ké Karâs ba-róng ké kyibî*.

Ké ebóng, wǎ eringe nyí ejá-Osówo nyí ba/sáng kyísí e/sét e/fu, Otu Kyítá o/fu, ké nǎ, me mu m-kpen n kángkáng nkéré, nang yeě nang yeě o-man o-tím arông kyísí ké bushú ejí. Ne nang yeě nang yeě o/chi o-sét o/fu me n-chi i Osówo. Nang yeě nang yeě ké burwám eten kâng o/chi o-sét kyi-kim ne byiko emen ké bushú ḿbú Osówo.

Koo n̂g onet mú dyityém emen ńdyí o/fé ne Karâs dyi*fí shwaneshwane* ba-fé ké burwám enen. Nké *da n̂g echi ba-kán ké dyishí ne nyǐ kyi-kim ne ńkyí odachi ne ńkyí oo*chi*.

Ben ebóng dyizong-banet ḿbé badapan ḿgbán mú onet okíri mpan. Bonchí emen oyén nké odaman esét, nang mu o-chi i kanong, nang o*fí o-chi i kanong*. Ne ḿgbán ámu o-man o-chi kanong, ké ebóng, Otu Kyítá o-man n ǎ echi o-chi kanong.