Popular Bible Verses from Fyilyípyan 4

Share

*Da n̂g ekérê kyi-kim ne chwǒm nang kyibónge*. Nké ké kángkáng banshwam enen efé, bí n̂g Osówo kyi-kim ne ńkyí bamu ba-ryuu ng. Nang nkéré orá, bí n̂g ǎ ké bukwóp ḿbú asǎma ekó.

Ne bunyîn-dyityém ḿbú Osówo ḿbú bu/shwôm byinyídíng ḿbyí onet bu/chi bu-kûbám atyém enen ne okabe enen kanong ké ocibi ne Jisos Karâs.

Ké nkuli kyikû, ǎ bwǎn-bané ejí, kû n̂g echi byěm ḿbyí byinong ḿbyí byida běn ekye akpee. Byěm ḿbyí mbyi ntûntû, ḿbyí biǐtí, ḿbyí mbyi kanong, ḿbyí kpárádádát, ḿbyí mbyi byi-nwa ng ne mbyi ne ofê.

Me mu ne busa ḿbú Karâs mu o-kyâ mě ḿbú ndakyú nang ké ebóng dyikpen.

Kyi/bát ben bajêe kángkáng nkéré ké dyikpen enen ne Otu Kyítá. M/bwa n-chînye n-raa n/fu, jêe n̂g.

Ne Osówo ejí, ne kángkáng bujê-efang emen ké Jisos Karâs, o/chi o-kye běn kángkáng byěm ḿbyí bamu ba-ryuu ng.

Kû n̂g echi byěm ḿbyí ben ba/kwâa, ba-koo ne me, kángkáng ḿbyí ben ba/koo ké byiraa ejí ne ké édúú ejí. Ne Osówo mú mu o-kyâ bě bunyîn-dyityém o/chi o-kyú ne ben.

Tông n̂g kángkáng banet dyityém ńdyí dyinong. Otu Kyítá mu o-bâ abeabe.

Me mu n-nyît ng eringe nyí nkyi, â onet o*fí ne chwǒm* ne eringe nyí nkyi, â onet mu ne byěm byi-jê byi-shwôm eringe nyí mu o-ryuu ng. Me nn/kwâa kadip ńkén. Eringe nyí nang me mu nyá, nang ké nkéré orá, me kyi-kwárê ng mě, nang n/zût, nang mu esong, nang byěm bii/jang mě ejê, nang byi/jang mě esîi.

Ne me n*fí n-raa ng ńkyín* ké nǎ, me mu n-kabe ng n/fu, ben baa/né mě*. Ké ebóng, me nn/kwâa eringe nyí ndaman ekyú kanong ne ńkyí me mu ne nkyí.