Popular Bible Verses from Nómba 13

Share

Onyinchéng obónge ké burwám ebe, mú odabángê Kálep, o-chi banet ḿbé [mbe ba-shwôn n ne] Músis ba-cíbî pyêp, ne o-raa o/fu, byikye bunwa kántîk byi-koo esí ányi. Be byimu byi-shwane e byi-kwárê mú byidakpógê kányí.

ne be byi/ri nang bwǎn ḿbé Ának. Be byi/mû byi/firi éné boǒníngéníngê wǎ boojujware, ne éné nké be byi/mû kámbé ké achi.

Nké banyinchéng ḿbé ba/mû ba/ce ne Kálep ké kyikû ba/faa ba/fu, aa*wááng*. Be byi*fí byi-shwane e byi-kwárê mú byidakye kámbé bunwa*. Banet ḿbé mbe ba-kyú u ányi mbe ba-shwane e ba-shwôm bě.

Mbé kâng ba-sét kyisédéng kyi-káng ké burwám-banet-Ézerel kyi-kim ne esí nyí mbé baa/kyé kyikû. Mbé ba-raa ba/fu, esí ányi e*fí e-bát ng nang byiryíng ḿbyí byidakwárê banet ḿbé mbe ba-kyú u ányi*. Onet nang orá mú be byi/ri o/mû kiǐkpôl

Mbé ba-sét Músis ba/fu, be byi/kyé kyikû kyi-kim ne esí-Kínan, ne be byi/ri byi/fu, nyǐ nyi e-nwa ng, ne e-bát ng byiryíng. Nyín něen byirim-byichí ḿbyí byi/fím ké esí ányi.

Nké banet ḿbé mbe ba-kyú u ányi mbe ba-shwane e kanong kanong, ne eshê ebe e/rêe kanong kanong, ne ba/bi ekpe ba-wâng kányí. Ńkyí kyi/bwa kyi-bên kyi-shwôn, be byi/ri bwǎn ḿbé Ának ányi.

Banet ḿbé Amálek mbe ba-kyú u ké kyicê-esí ńkyí busyísen. Ḿbé Hyítat ne Jébus ne Ámórit mbe ba-kyú u ké esí nyí eku éku. Banet ḿbé Kínan mbe ba-kyú u fáráng ne baya ḿbé badakó Medeterényan ne bakô-kace ńké Jódan.

ba-kâm Músis ne Éron ne kángkáng banet ḿbé Ézerel ké oshê mú Kádyishi, ké kyikim-dyikán ńkyí Páran. Mbé ba/sét kyi-kim ne byěm ḿbyí mbé ba/ri, ne ba/tông kámbé byirim-byichí ḿbyí mbé ba/bê ne mbyí.