Popular Bible Verses from Mátyuu 28

Share

Ca n̂g kâng ba-kâm kángkáng banet ké ejíí emúmú, ba-chi kámbé ba-firi bǎmgbán ejí. Kye n̂g kámbé osoo mú Osówo ké busa ḿbú dyizîn ńdyí Kyítá ne ńdyí Wǎn ne ńdyí Busun-Osówo. Ba-tángê to kámbé eringe nyí badachi kángkáng byěm ḿbyí me nn/sét běn n/fu, bachi. Ne zîim m̂ to ba/fu, me n/chi n-kyú ne ben kángkáng nkéré, tata ké nkuli kyikû-nkéré.

Jisos o-tín o-fárâng kámbé, o-sét kámbé o/fu, Osówo oo/kye mě busa ké kángkáng byěm ḿbyí ké bubóng ne ḿbyí ké ejíí.

Nké orím ámu o/raa ne ḿbé banyinyi ámbe o/fu, *da n̂g eshî*. Ké ebóng, me mu n-nyît ng n/fu, ben bamu ba-kyé ng Jisos mú ba/mû ba/mán ǎ ké kyikwap ńkyí badashwân onet. Nyǐ o*fí nyín*. Osówo oo/jwóbê ǎ ké bukyû wǎ eringe nyí o/mû o/sét. Bâ n̂g nyín ba-ba-ri kyikit ńkyí ba/mû ba/ren ǎ.

Jisos o-raa ne mbé o/fu, *da n̂g eshî*. Ca n̂g ba-da-sét barî-banet ejí ba/fu, baca Gályílyi. Áku nké mbé ba/chi ba-ri mě.

Batu-banchi kyifen-Osówo ámbe ba-dim ba-kâm bakínkán-banet-Jûs ba-tóbê ne barî. Ba-fîm bujê-akpuga ba-kye basúja ámbe. Ba-sét kámbé ba/fu, sét n̂g banet ba/fu, bǎmgbán emen ba/bê ké buchú ba-ba-jii kyikwóm-enyam-byiko emen ba-dim ne nkyí, nkéré mú be byimu byi-rê ng. Ne â nang onet-dyishí mú esí ńnyín o/jwo kyi-kim ne nkyí, be byi/chi byi-man ǎ esét eringe nyí odabángê, ne ben *da n̂g echi ba-kérê chwǒm nang kyibónge kyi-kim ne nkyí*. Ḿbé basúja ámbe ba-koo akpuga ányi, ba-chi wǎ eringe nyí ba/sét kámbé ba/fu, bachi. Tata dyicí ńdyí kurún, éné nké banet-Jûs mbe ba-sét ng.