Popular Bible Verses from Lyívyítyíkus 26

Share

Me n/chi n-kyú ne ben. N/chi n-kyú Osówo enen, ben ba-kyú banet ejí.

me n-twóm m běn omu ké nkéré mú o/kwárê, eringe nyí esí edabát byiryíng, byichí byi-zím byirim.

 bamu ba-kyú u wǎ eringe byije ejí byi/sét

Me n/chi n-kye běn bunyîn-dyityém ké esí enen, ne ba/chi ba-kûrê baa*shî ba/fu, onet o/chi o-chi běn chwǒm*. N/chi n-fîm byibî-enyam ḿbyí mbyi ké esí, ne byití bii*chi to*.

Me n/chi n-jware běn, n-kye běn bwǎn chwóó. Me n/chi n-tî ocím mú ejí, mú n/ryí ne ben.

Me Óburúkpâbí mú mu Osówo enen nké n/fîm běn ba-byí ké Éjip eringe nyí baa*kyú to básóng*. Me m/kpógê busa ḿbú bu/mû bu/níbî běn, n-chi běn ba-cen ne byiko etông.

Me n/chi n-kyú ké burwám enen ké kafâ-mpyep-ociring ejí, ne mm*ba/chi m-bírî běn esim*.

Óburúkpâbí o/fu, *da n̂g esím erím-bakye* ba-sím byichí nang aká* ba-bi nang aká-ociring* ba-kye kányí ofê*. Me n-chi i Óburúkpâbí mú mu Osówo enen.

Byiryíng enen ḿbyí badafuu byi-jê ng ḿbyí byidarí dyije, nang byi-rí éné, ba-chî ng ekúng kyicê ńkyí kyidawaa ké bankám enen ba-pwó, eringe nyí badajá mpât mú badatî ḿbyí byifyîfî.

Banet ashí atánge ké burwám enen ba-man n ekpógê bajam-banet batánge, ne bajam-banet batánge ba-man n ekpógê égot-banet etánge etánge ké byikit diǐkpú.

Byíkwôn enen byi-jê ng ḿbyí badawaa ké esang-byichí ebóng, ké nkéré mú ba/mû ba/chi ba-kpet ebóng byirim-byichí, ne ba-waa ng ké byirim-byichí ebóng ké nkéré mú ba/mû ba/chi ba-kpet esang-byichí ekwón. Ben ba-já ng kángkáng byiryíng ḿbyí badaryí, ne ba/chi ba-kyú ké esí chwǒm kii*chi běn*.

Ben ba/chi ba-kpógê banet-bushwôn enen.

Tî n̂g kángkáng ací-ociring enen, ba-kye kyikit ńkyí ben bamu ba-fâ mě ofê. Me n-chi i Óburúkpâbí.