Popular Bible Verses from Azáya 30

Share

 ben ba/zóp ké bukwóp ba-jâ bubwô-etyebéng nang bubwô-eku, ben ba/chi ba-jwo ejá emen ké esim enen, e-sét běn e/fu, dǐi bukwóp i, cen n̂ ké mbú.

Nang ké nkyi éné, Óburúkpâbí mu o-bwom m o/fu, nyǐ o-ri ng běn bafip. Nyǐ o/kpá byiko o/fu, nyǐ o-ri ng běn bafip, ké nǎ, kángkáng nkéré nyǐ o-chi i ńkyí nkyi ké bukwóp ḿbú bunong. Bunyîn-dyityém mbu ne banet ḿbé ba/fé dyityém ne Óburúkpâbí.

Óburúkpâbí mú mu Otu Kyítá mú onong mú Ézerel mu o-sét ng banet ámbe o/fu, bwa n̂g esim degere ba-fé dyityém ne me. Ne ben ba/chi ba-kyú shwanshwan, chwǒm kii*ta běn*. Nké ben bamu ba-né ng echi éné.

Óburúkpâbí o/chi o-chi běn ba-nung ké kyibî-nkéré, nké nyǐ oyén o/chi o-kyú ne ben o-tángê běn byěm, ne ben baa*ba/chi ba-chî ǎ ekyé*.

Ben banet ḿbé bamu ba-kyú u ké Jerúsélem baa*ba/chi ba-chîtii*. Óburúkpâbí o-ri ng banet bafip, ne â ben ba/tii ba-kó ǎ ké ochwâp, nyǐ o/chi o-faa běn ojá.

Óburúkpâbí o/raa o/fu, banet ḿbé mbe batu ké Júda ba/firi ké busông, ké ebóng, ba/bwom bunwa ne nyǐ. Mbé mbe ba-chi i byěm ḿbyí nyǐ o*da/kabe* ne mbe ba-ryí i ocím ne banet mú dyityém emen dyi*da/bángê* ba-chi i byibî byi-jê ng byi-câ kashú.