Popular Bible Verses from Ézódos 5

Share

Ne Músis ne Éron ba-dim kâng ba-kâm otu mú Éjip, ba-sét ǎ ba/fu, Osówo Óburúkpâbí mú Ézerel o/sét o/fu, wo amîng banet emen ba-ca ké kyikim-dyikán ba-da-chi dyijî-kyifen ba-kye ǎ.

Kyi-fím ké nkéré mú n/dim n-da-pem ne otu, o-kú o-bên n kámbé dyitî, ne a*da/chi ne chwǒm ńkyí adachwáp kámbé*.

Ne Músis o-chîfé kâng nshwam o-kye Óburúkpâbí o/fu, ebóng amu a-kyâ banet eyên busông. Ebóng a/twóm mě nyín.

Otu ámu o-bí kámbé o/fu, yeě odabángê Óburúkpâbí. Me mm*man n-jwo ńkyí nyǐ oda mě esét* m-mîng banet ḿbé Ézerel ba-dim*. Me nn*nyît Óburúkpâbí* ne mm*bángê banet ḿbé Ézerel ba-dim*.

Nké ba-man ba-chi ocím-byirim-bolôk ḿbyí ba/mû ba-chi i kpákpá. *Da n̂g efîm kámbé kyirim nang kyibónge*. Ba*fí bǎmkpóngé chwóó ḿbé badachi*. Nkyí nké mbe ba-bí ng mě ba/fu, me mmîng kámbé ba-da-chi byifen ba-kye Osówo ebe. Chi n̂g banet ḿbén ba-chi bǎmkpóngé ba-jê ba-shwôm eringe nyí ba/mû ba-chi i, ne *da n̂g ekye kámbé mpât mú badajáng* eringe nyí baa*já nkéré mú badajwo byiraa ḿbyí byi*fí ké kafâ*.