Popular Bible Verses from Ézódos 20

Share

me n-chi i Osówo Óburúkpâbí enen mú o/fîm běn ba-byí ké Éjip, ké kyikit ńkyí ba/mû básóng. *Da n̂g efé Osówo okíri kyi-cibi ne me*.

*Da n̂g echi ba-mee chwǒm nang kyibónge ńkyí nkyi kyíbóng* nang kyísí* nang ké kafâ-buce ḿbú ké esí* ba-tî wǎ barím-bakye*. *Da n̂g etíngê kyísí ba-fé orím-bukye nang obónge* ké nǎ, me n-chi i Osówo Óburúkpâbí enen, ne orêm mu o-chi i mě kyi-kim ne esówo ekíri. Me mu n-kyâ banet ḿbé mu n-sa ng kámbé kafâ busông, cibicibi ne bwǎn ebe tete kyi-ribi ké byikim-banet byinyii.

Fé n̂g ńchân ne ńnân eringe nyí ben ba/chi ba-rí chwóó ké esí nyí mu n-kyâ běn.

Tî n̂g byije ḿbyí dyicí-ékwâbashi, ba-tî kándyí wǎ dyicí-ociring.

*Da n̂g echi ba-zîim dyizîn ejí ké kyibî-chwǒm* ké nǎ, me Osówo Óburúkpâbí enen n/chi n-kye nang yeě busông, mú o/zîim dyizîn ejí ké bukwóp ḿbú boo*nwa*.

Ben bamu ne ací nyâchât nyí badachi bǎmkpóngé enen, nké ké ací káchâtkányi, dyicí ándyi dyicí-dyijâng ńdyí dyi/já mě. Ké dyicí ándyi, onet nang obónge o*dachi o-chi bǎmkpóngé* nang ben bayén* nang bwǎn enen* nang básóng enen* nang byitú enen* nang bacinbánet ḿbé baa/bajé ba-kâm běn*.

*Da n̂g eryuu ba/fu, ba-koo ng kyise ńkyí onet okíri*. *Da n̂g eryuu ba/fu, ba-koo ng onyi emen* nang básóng emen* nang byitú emen* nang ebóng chwǒm kyikíri ńkyí mu ne nkyí*.

*Da n̂g echi ba-bât onet kyiraa ńkyí kyi*fí ké kafâ*.

*Da n̂g echi ba-chi kyinam*.

*Da n̂g echi ba-ju onet*.

*Da n̂g echi ba-jii kajii*.