Popular Bible Verses from Ézódos 2

Share

mú o/jwo busông ebe, ne o-zîim ocím emen mú o/mû o/ryí ne Ébarahâm ne Ázik ne Jekôp. O/ri búsóng ḿbú banet ḿbé Ézerel ba/mû ké mbú ne bafip ba-chi ǎ ne mbé.

Ńdyí aje a/chîshwôm, otu mú Éjip o/kpú, nké banet ḿbé Ézerel ba/mû ba/tôong ké afaníkong nyí búsóng ebe, ne ba-tii ba/fu, Osówo ochwáp kámbé. Bukyû ebe ámbu bu/kâm Osówo

Ńdyí o/nen wǎn ámu o-kán, o/kúng ǎ o-da-kye wǎn-otu ámu, mú o/kúng ǎ o-tî wǎ wǎn emen. Wǎn-otu ámu o-raa ne byiko emen o/fu, me n/fîm ǎ ké kafâ-kace, ne n/chi n-fé ǎ dyizîn, Músis.

Wǎn-otu ámu o-sét onyinyi ámu o/fu, kúng wǎn mún a-nen ǎ ké bubwô ejí, n/chi n-kû ǒ ekye akpuga. Ne o-kúng wǎn ámu o-nen ǎ.

Wǎn-otu mú onyinyi o/bê ké kace ánke o/fu, nyǐ o-bâ ng ekôo omu, bǎmgbán emen ba-dim ba-kpet ecen ké bukô-kace ba-bám m ǎ. Wǎn-otu ámu o-bírî achi o-ri kaakye ánke ké kafâ-biǐbyâa ne o-twóm ósóng emen obónge mú onyinyi o/fu, oda-kúng kaakye ánke o-bâ ne nké.

Ńdyí Músis o/kán, o/dim o-wâa banet emen ḿbé Hyíburus edari, ne o-ri eringe nyí mbe ba-tírîng ng kámbé ba-chi i biǐsínsóng-bǎmkpóngé. O/ri to ké onet-Éjip o/ju onet-Hyíburus mú o/mû o/fím ne Músis. Músis o-kpúrî achi ké bukô o-ri o/fu, onet o*fí o-ri ng ǎ* ne o-kám onyinchéng-Éjip ámu o-ju, o-kúng ǎ o-ryii ké éshíshě.