Popular Bible Verses from Ézódos 10

Share

Ne Óburúkpâbí o-raa kâng ne Músis o/fu, ca a-da-ri otu. Nn/chi ǎ ne banet-ashí-oshê emen ba-kûshwane ké dyishí eringe nyí n/chi n-chi akat ányi n-tông kámbé ne eringe nyí wo adaman esét bwǎn eyên ne bwǎn ḿbé bwǎn eyên eringe nyí n/chi banet ḿbé Éjip ba-róng enyam ké nkéré mú n/chi akat ányi. Ben ashí kángkáng ba/chi ba-nyît ba/fu, me n-chi i Óburúkpâbí.

Ne Óburúkpâbí o-raa kâng ne Músis o/fu, yip bubwô eyên kyíbóng, ne kiǐkpîn-kyifip kyi/chi kyi-cít esí nyí Éjip. Músis o-yip bubwô emen kyíbóng, ne kyifip kyi-róng ké Éjip emúmú ké ací achât. Banet ḿbé Éjip ba*da/chîman eri barî* ne onet nang obónge ebyí kyíjí ké nkéré ámu*. Nké kyifip kyi/mû kyi*fí ké kyikit ńkyí banet ḿbé Ézerel ba/mû ba-kyú u*.

Ne Músis kâng o-yip ochí emen kyíbóng, ne Óburúkpâbí o-chi bufú ḿbú bu/fím ké kyicê ńkyí esû edabyí bu-tugi ké esí nyí Éjip ké dyicí ándyi tata dyi-cé. Ne dyicófóróng dyi-cé, boo/bê ne agurubí. A/bê ké abóng ké abóng a-ba-cít oshê omúmú. Dyibóng-agurubí ándyi dyi/mû dyi/jang ejê dyi-shwôm ńdyí banet ba/mû ba*da/ri ne* ne dyizong ándyi to baa*ri to*.