Popular Bible Verses from Ekyilyizátes 1

Share

Ké nǎ, bubong ejá chwóó bu-cen n ne ékyíkéré ké dyityém, ne byinyídíng ejá chwóó byi-cen n ne bafip ekyú.

Ńkyí kyi/mû kii/chi kyi/chi kyi-chîchi. Ńkyí ba/mû baa/chi ba-chî ng echi kánkyí. Chwǒm kyi*fí nang kyibónge ké ejíí ńkyí kyi/mû kyi*da/chi ne*.

Kángkáng byěm] byi-cen n ne kyikyee, kyikyee ńkyí onet oo*man esét*. Achi eten aa*tigi a-man eri byěm byi-kwárê kányí*. Atông eten aa*tigi a-man ejwo byěm byi-kwárê kányí*.

Nyǐ mú mu ne bubong o/fu, dyikpen dyi*da/byí chwǒm*. Dyi*da/byí chwǒm* dyi*da/byí chwǒm nang onyin*. Ebóng mpún mú onet odaryí ké kángkáng bǎmkpóngé ḿbé mu o-chi i ké dyikpen emen.

Me nn/ri kángkáng byěm ḿbyí banet mbe ba-chi i ké ejíí ńnyín, ne mu n-sét ng běn n/fu, mbyí kángkáng byi*da/byí chwǒm*. Mbyi wǎ onet mú mu o-kan n bufú ekám.

Ḿbé bafwǒn mbe ba-fwon n, ḿbé bakpúú mbe ba-kpú u, nké ejíí e*fí e-yángê e*.

Onet o*fí mú odazîim ńkyí kii/chi ké nkéré mú o/shwôm ké esim*. Onet to o*fí ké nkéré mú mu o/bâ ké kashú mú o/chi o-zîim ńkyí nkyi kyi-chi i ké nkéré mún*.

Me m/mû nn/tî dyityém n/fu, n-kwâa ng eringe byinyídíng ne enyam eróng byi/yángê ne barî, ne eringe bubong ne kyifún byi/yángê to. Nké me n/ri n/fu, nkyi éné wǎ mu n-kan n bufú ekám.