Popular Bible Verses from Âak 13

Share

Ké nkéré mú mbé mbe ba-chi i bǎmkpóngé ḿbé Otu Kyítá, ba-cíp ng esong, Busun-Osówo bu/raa ne mbé bu/fu, fîm m̂ Bánábas ne Sôl ba-kye mě, eringe nyí ba/chi ba-chi bǎmkpóngé ḿbé me nn/kó kámbé n/fu, bachi. Mbé kâng ashí kángkáng ba-cíp esong, ba-fé nshwam ba-kye Osówo, ba-twôom Bánábas ne Sôl abwô ké byiko, ne ba-twóm kámbé ba-dim.

Ben ashí amúmú, ǎ bwǎn-bané ejí, ba-man ba-nyît ké ntûntû ba/fu, ké bubwô ḿbú Jisos nké byimu byi-sét ng běn bǎmpém kyi-kim ne opwoo-byibî. Ben ba-man ba-nyît ba/fu, nang yeě nké o/bángê ne nyǐ ne dyityém emen, Osówo o-pwoo ng ǎ kángkáng byibî emen, ḿbyí Byije ḿbyí Músis byi*fí byi-man n ǎ echi o-fem ké mbyí*.

Ké ebóng, nyín kyije ńkyí Otu Kyítá oo/kye bě, o/fu, me nn/tî ǒ n/fu, kyú kiinwángé ńkyí banet ḿbé ba*fí banet-Jûs*. Ké bubwô eyên nké me n/chi n-nyii ejíí emúmú.