Popular Bible Verses from Âak 1

Share

Nké Osówo o/chi o-kye běn busa ké nkéré mú Busun-Osówo boo/bê bu-kâm běn, ne ben ba/chi ba-sét banet ńkyí bamu ba-nyît ng kyi-kim ne me, ké Jerúsélem ne ké kángkáng esí nyí Judyâ ne Samérya ne ké kángkáng ejíí emúmú.

Jisos o-faa kámbé o/fu, Bonchí ejí kǎnchí ké busa ḿbú emen nké odatî nkéré mú byěm ḿbyín byidachi, nké ben ba*fí ne busa ḿbú badanyît nkéré mú byi/chi byi-chi*.

Ké nkéré mú nyǐ o/mû o/tôong ne mbé, nyǐ o/raa, o-kye kámbé bacê ḿbé bánbán ḿbén o/fu, *da n̂g echi ba-dim nyín ké Jerúsélem* nké kyú n̂g ba-bám eyáré nyí Bonchí ejí o/ryí ocím, nyí me m/mû nn/sét běn kyi-kim ne nyǐ. Jǒn o/yip omu o-kye banet osoo mú Osówo, nké ké boǒnyín-ací ḿbú mbu bu-bâ ké kashú, Osówo o/chi o-yip Busun-Osówo o-kye běn osoo mú Osówo.

Ké bajam-ací bafee, ké nkéré mú oo/ri afaníkong emen o-kpú, ne Osówo o-jwóbê ǎ, nyǐ o/tông banet-kyitwóm emen ámbe byiko kampén chwóó ké akwóp nyí kyi/tông banet wááng kyi/fu, Osówo oo/jwóbê ǎ ké bukyû, o/firi okpó. Mbé ba/ri ǎ, ne o/pem kámbé kyi-kim ne Butu ḿbú Osówo.

Ké nkéré oo/raa kpók, Osówo o-yip ǎ o-jâ ne nyǐ kyíbóng. Mbé ba/bwom ányi mbe ba-tún n ǎ tete ófíbí o-cít ǎ, ba*da ǎ echîri*.

Mbé ba/waa ne achi nyí mbe ba-tún n kyíbóng ké nkéré Jisos mu o-yú u o-câ kyíbóng, banyinchéng ashí afee ne biǐkpárádádát-byídí ké byiko ba-byí ké abe ányi, ba-bwom ányi fáráng ne mbé. Banyinchéng ámbe ba-raa ne mbé ba/fu, banet-Gályílyi, ebóng ben ba/bwom ányi bamu ba-tún n achi kyíbóng. Jisos mún mú Osówo oo/kúng ǎ ké burwám enen o-jâ ne nyǐ kyíbóng o/chi o-chîbwa esim eringe ebónge, wǎ eringe nyí ben ba/ri ǎ o/yú o-jâ kyíbóng.