Popular Bible Verses from 2 Koríntyan 9

Share

Ne Osówo o-man n běn ekye kyi-shwôm ńkyí bamu ba-ryuu ng. Eringe nyí ben kángkáng nkéré ba/chi ba-kyú ne ńkyí bamu ba-ryuu ng ké byiko enen, ne kyi-jê to kyi-shwôm ńkyí badakye nang ebóng chwǒm ńkyí kyinong ńkyí bamu ba-ryuu ng.

Nang yeě nang yeě kâng okye eringe nyǐ oo/kabe o/fu, nyǐ o-kyâ. O*dachi o-chi ájângmé* o-bwa o-kúng nang kánkyí wǎ chwǒm ńkyí nyǐ odaman o-chi* ké ebóng, Osówo mu ne kyijé ne onet mú mu o-kyâ ne bunyîn-dyityém.

Zîim m̂ ńkyín ba/fu, onet mú mu o-kwón n boǒnyín-esang-byichí, esang-byichí ee*zím ǎ chwóó*. Onet mú mu o-kwón n chwóó, e-zím m ǎ to chwóó.

Ne Osówo mú mu o-kyâ nkwôn esang-byichí esang-byichí nyí mu o-kwón n ne byiryíng ḿbyí mu o-ryí i, o/chi o-kye běn to kángkáng esang-byichí nyí bamu ba-ryuu ng, o-chi kányí to e-kán, eringe nyí edazím kanong kanong ké bubwô-dyityém enen ecángê. Nyǐ o/chi o-chi běn to ba-fang kanong kanong, eringe nyí badakûcángê dyityém kángkáng nkéré, eringe nyí banet chwóó ké bubwô eten ba/chi ba-kó Osówo asǎma ké eyáré enen nyí mbe ba-koo ng ne ben.

Kó n̂g Osówo asǎma ké eyáré emen nyí ee*nwa eri* nyí o/kye bě.