Popular Bible Verses from 1 Tyímótyi 1

Share

Nyín ochíchí-ntûntû mú banet badakoo ne mú badabángê ké mǔ to kanong ba/fu, Jisos Karâs o/bê ké ejíí, eringe nyí odanyii banchi byibî. Me m/bên n-shwôm banchi byibî kángkáng.

Ne kyi/mû ké bubwô ḿbún nké Osówo o/ri mě bafip, eringe nyí Jisos Karâs odatông ofit emen eryí kanong kanong ne me, ne n-kyú wǎ ekap nyí kángkáng banet ḿbé ba/chi ba-fé atyém ebe ne nyǐ ké nkéré mú mu o-bâ, ne ba-koo dyikpen ńdyí ne banyá.

Me mu n-kyâ busa ḿbún, eringe nyí kyijé kyidakyú ńkyí nkyi kyi-fîm m ké dyityém ńdyí kpárám ne ké ńdyí ndyi wááng ne ké ńdyí ba/fé ne Karâs ntûntû.

Akpee ne ofê byikyú ne Otu mú ne banyá, mú oo*kpú* ne oo*nwa eri* nyǐ mú mu Osówo kǎnchí, ne banyá ne banyá. Kyi/bát kyikyú éné.

Byi-man byi-zîim byi/fu, *chí ké bubwô-banet ḿbé banong nké mbe ba-chi i byije*. Nké ba-chi i kámbyí ké bubwô ḿbú bambên byije ne bankakafem ne ké bubwô-banet ḿbé baa*nyît Osówo* ne ḿbé banchi byibî ne ké bubwô-banet ḿbé ba*fí ba-fâ Osówo* nang Busun emen* ne ké bubwô ḿbú banet ḿbé mbe ba-ju ng banchí ne bané ne ké bubwô ḿbú banju banet ne ké ḿbú banchi byibî-byěm kyi-kim ne banet erí ne ké ḿbú banyinchéng badarí ne bábe-banyinchéng wǎ mbe ba-rí i ne banyinyi ne ké ḿbú banjii banet ne ké ḿbú banet ḿbé mbe ba-sét ng byisédéng ne ké ḿbú banet ḿbé mbe ba-bwom m ntûesé-kyisédéng, nang ḿbé mbe ba-chi i chwǒm nang kyibónge ńkyí kyi/yángê ne otánge mú ékwâbashi nyí Karâs mú ntûntû.