Popular Bible Verses from 1 Tesalónyan 5

Share

Kyú n̂g kángkáng nkéré ké bunyîn-dyityém. Fé n̂g nshwam kángkáng nkéré. Kû n̂g ekó Osówo asǎma ké kángkáng byěm. Ńkyín nké Osówo mu o-ryuu ng o/fu, ben bachi ké dyikpen enen, ké ocibi eten ne Jisos Karâs.

Kyi/bát Osówo mú mu o-kyâ bě bunyîn-dyityém ochi běn ba-firi kanong ké kángkáng akwóp, o-fîm kángkáng ébîn ké kyirim enen kángkáng ké dyityém ne ké busun ne ké enyam-byiko, ké nkéré mú Jisos Karâs, Otu Kyítá eten o/chi o-bâ. Nyǐ mú mu o-kó ng běn o/chi o-chi kánkyí, ké ebóng, nyǐ o-tî ng ocím emen mú o/ryí.

*Da n̂g echi ba-bángê onet nang obónge o-só orî ewa ké kyibî ńkyí orî-onet oda ǎ echi*. Nké ké kángkáng nkéré, kyú n̂g ne okabe mú badachi ńkyí nkyi kanong ne barî ne kángkáng banet to.

Ké bubwô ḿbún kâng, fé n̂g barî busa, ba-chwáp ng barî wǎ eringe nyí bamu ba-chi i kántîk.

Be byimu byi-tírîng ng běn, ǎ bwǎn-bané, byi/fu, kuri n̂g banet ḿbé mbe ba-dare ng ekó, fé n̂g banet ḿbé mbe ba-shî ng busa, chwáp n̂g banet ḿbé mbe kyeekyee, ryí n̂g ofit ne kángkáng banet.

Osówo o*da bě ecá o/fu, busa-dyityém emen buta bě*. Nké o/cá bě o/fu, be byikoo onyii ké bubwô ḿbú Jisos Karâs, Otu Kyítá eten

Ben ashí kángkáng bamu banet ḿbé kiinwángé, ḿbé ba/já esû. Be byi*fí banet ḿbé buchú* nang ḿbé kyifip*.