Popular Bible Verses from RUM 6

Share

Ngaceku tabpar sala' ineh maté, iamo' katu Allah ineh ulun luk meruked dengan Keristus Yésus Tuhan tau.

Aleg nima' sala' mangun ku raca' bang ulun muyuh, ngaceku muyuh baken pa liang Ukum iamo' pa liang katu Allah.

Dengan rereb ineh tau tinanem dengan Keristus bang atéNeh, idi mepad kudeng Keristus pangeh netumui rat arang lun naté ngaceku rayeh TamanNeh, kudeng ineh teh tau ini pana' miak mulun bang ulun luk mebaruh.

Aleg muyuh maré sebabpat burur muyuh ineh kuan sala', pad uen makai ku kekamen luk dat. Iamo' maré burur muyuh kuan Allah, mepad kudeng lemulun luk pinuit ratnan até amé' nan ulun teh, idi do' maré amung babpat burur muyuh kuan Allah, pad uen makai ku kekamen luk matu.

Tau kali' ini, ieh ineh burur tau luk mon pangeh sinalib dengan Keristus pad burur luk nganau' sala' ineh miak maté, pelé tau na mangun ku demulun sala' teh.

Kudeng ineh teh do' muyuh ngerawé burur muyuh maté mepuit ratnan sala', iamo' mulun kuan Allah dengan Keristus Yésus.

Ngaceku ineh anunké luk miak belén tau? Do'ké tau tudo bang sala', pad katu Allah amé' mula'? Na tu-tu! Idi tau ini pangeh naté nepuit ratnan sala', kudeng apehké tau miak mulun bang neneh?

Naké muyuh kali', kareb muyuh maré burur muyuh mangun ku demulun, pad maya' bala seburur lemulun, setuneh muyuh mangun ku demulun kuan lemulun luk bén muyuh ineh, do' kuan sala' macing inan até, kian kuan baya' luk macing inan luk matu?

Iamo' ngubur Allah, ngaceku atun muyuh mangun ku demulun sala', iamo' nekini dengan niat luk matu, muyuh maya' ayu bada' ineh luk pangeh bida' kuan muyuh. Muyuh pangeh pinuit ratnan sala', idi muyuh mangun ku demulun kuan luk matu.