Popular Bible Verses from BALA LUK LINIO 3

Share

Siruh, Ui tuped munung tanga' idi nateg; kudeng idé luk ninger balaKu idi ngukab tanga', idi Ui miak semuet bang neneh, idi kuman denganneh, pad ieh pana' denganKu.

Ui kali' kekamenmu, iko ineh meteneb pana' na, melau' pana' na. Ui sikal kudeng iko meteneb kian melau' lek. Ngaceku iko kudeng ineh damé, idi melau' pana' na, idi meteneb pana' na, Ui sikal nguta' namu rat bang tangKu.

Idi tuda'-tuda' lemulun luk inanKu mawa Ui mada' idi ngukum nedeh. Ngaceku ineh do' mekél idi uren.

Ui kali' kekamenmu. Siruh, Ui nenganau' pa kiungmu aceh tanga' luk mukab, idi seburur pana' na miak ngitek neneh; ngaceku sagan pana' laludmu sesuut, iamo' iko pangeh nemaya' balaKu dengan na ngalum ngadanKu.

Ui maré lemulun luk metueh, tudo denganKu luun kerusiKu, mepad kudeng Ui pana' pangeh metueh idi tudo dengan TamanKu luun kerusiNeh.

Ngaceku iko pebala, ui lun do', idi ui pangeh nengalap mula' binaweh, sebuleng pana' nateh luk na idi negku; iamo' na iko kali' iko selemulun luk dat, luk inan méi', luk masi', mebuser, idi lubpa.

Ngaceku iko pangeh nenginita bada'Ku ratnan ulai niat ineh, Ui pana' miak nginita namu ratnan tutun luk macing kuan amung uang tana' ini, idi luk nutun amung lemulun bang tana' ini.

Ui macing dengan mesaget. Do' ngimet anun-anun luk idi bang paladmu, pad seburur na miak ngalap patamu.

Do' kulat idi ngetueh amung-amung luk ketecan idi luk sikal maté teh. Ngaceku Ui kali' na luk idi kekamenmu luk meligan pa kiung AllahKu.