Popular Bible Verses from MARKUS 14

Share

KebalaNeh, “Ama', O Ama', luk amung-amung inan bang laludMu, idi do' ngatad sangkir ini rat Negku, iamo' ratnan ineh pana' baken maya' pian Dui, iamo' pian Diko.”

Matar idi sembayang pad muyuh na semuet bang tutun; sagan pana' niat muyuh geregan, iamo' burur muyuh melaya' peh.”

Ngerawé do'-do'! Iapeh-iapeh pana' aput-aput tana' ini Bala luk Do' ineh miak badén, su ineh teh kekamen decur ini miak tetanen teh mangun ku terawé ratnan ineh.

Idi keburi'Neh nedeh, “Mesusa' tu-tu niatKu, malé maté ayuKu, do' muyuh tudo ieni idi matar do'-do'.”

Idi uned ideh kuman, Yésus nengalap ruti idi Ieh nesembayang maré ubur, idi nemuri'-muri' ruti ineh, idi nemaré ineh kuan anak sekola'Neh, kebalaNeh, “Lapen muyuh ini idi kuman, ini bururKu.”

Idi Ieh nengiding aceh sangkir, idi nemaré ubur kuan Allah. Idi Ieh nemaré kuandeh teh, idi amungdeh pana' nengirup abpa' ratnan sangkir ineh. Idi kebala Yésus, “Ini dara'Ku, ieh ineh dara' pejani' Allah luk inutang kuan lun mula'.

Yésus nepebala nedeh, “Amung-amung muyuh miak buro necan Negku, ngaceku pangeh inayud, ‘Allah miak ngaté Lun Matar dumba, idi amung-amung dumba luk sengeriudan ineh miak mepatad.’

Tumui muyuh, do' tau nalan. Siruh, lemulun luk masui Negku pangeh nacing!”

Idi Yésus nepebala neneh, “Ngerawé do'-do', bang aco sini, ieh ineh kareb malem, kareb nateh lal ngekook dueh kua', iko miak ngalum Negku teluh kua'.”