Popular Bible Verses from MATIUS 19

Share

Idi Yésus nenier nedeh, kebalaNeh, “Kuan lemulun ini na miak mangun iamo' kuan Allah amung-amung miak mangun.”

Idi didueh ineh baken dueh burur peh, iamo' sebuleng burur mo'. Ngaceku ineh, luk pangeh tinutup Allah aleg seburur lemulun matad peh.”

Idi kebala Yésus, “Naké muyuh nemaca' Surat Allah, ‘Idi Ieh luk pangeh nenganau' lemulun pun-pun, nenganau' nedeh ku deléi idi decur?’ Idi kebalaNeh, ‘Ngaceku ineh do' lemulun necan taman-tinanneh idi pamung dengan awanneh, idi diduen miak mangun ku sebuleng burur peh.’

Idi kebala Yésus nedeh, “Nima' anak-anak luk isuut amé' Negku idi aleg mebpeng nedeh, ngaceku lemulun luk kudeng ini luk kuan Imet surga.”

Iamo' mula' lemulun luk pa atun miak amé' pa muci, idi luk pa muci amé' pa atun.

Idé-idé lemulun luk pangeh nenecan ruma'neh, kinanakneh deléi, kinanakneh decur, taman-tinanneh, anak-anakneh, idi tana'neh, ngaceku ngadanKu, ieh miak ngalap meratu kua' ula'neh, idi ulun luk meruked teh.

Kebala Yésus neneh, “Kudeng iko sikal mangun meriput, muli' iko, masui binawehmu, maré kuan lun masi', pad iko ngalap binaweh déi' surga: idi amé' maya' Negku.”

Idi kebala Yésus, “Ngudehké iko ngitun Negku ratnan luk do'? Inan Sebuleng mo' luk do'; iamo' kudeng iko sikal semuat bang ulun luk meruked, do' iko maya' ukum-ukum ineh.”

Idi Ui pebala nemuyuh teh, meluun malé aceh pung unta semuet bang lubang pinu, ratnan lemulun luk mula' binaweh semuet bang Imet Allah.”

Ui pebala nemuyuh, idé-idé luk ngelagkan awanneh, kudeng baken ratnan pasét, idi ngaweh lun baken teh, ieh pasét teh. Idi lemulun luk ngaweh decur luk pangeh ligkan ineh, ieh pana' pasét teh.”

Idi Yésus nepebala kuan anak-anak sekola'Neh, “Matu, Ui pebala nemuyuh, mikat tu-tu kuan lemulun luk mula' binaweh semuet bang Imet surga.