Ngerawé do'-do', kareb Aco luk kekiped miak macing aceh kareb luk medereh. Lemulun miak mawa inan bururdeh sebuleng, melili ku usin, ngerayeh bururdeh, medita' niat, nguyo lemulun, ngelaba bala taman-tinandeh, na maré ubur, idi na meligan. Ideh na méi', na sikal pedo', ngesala' lemulun, na ngimet bururdeh, mesangit, idi megateh inan luk do'. Ideh na inan merapet, sikal metueh, mesido' niat, meluun sikal ngawang niatdeh ratnan mawa inan Allah. Ideh siayu maya' Tuhan, iamo' lalud baya' ineh kinarungdeh. Do' iko ngado bururmu ratnan lemulun ini.