Popular Bible Verses from 1 PETRUS 2

Share

Iamo' muyuh ini aceh pupu luk pinili', idi imam-imam Raca', aceh inul luk meligan, luk pupu Allah sebuleng, pad muyuh miak mada' amung-amung do' Tuhan luk pangeh nenawar nemuyuh remuat ratnan dacem semuet bang acangNeh luk inan mawa.

Keristus nemabeh amung-amung sala' tau bang bururNeh luun kayuh tepalang, pad tau pinaté kuan sala', idi mulun kuan luk matu. Idi ratnan uratNeh muyuh pangeh dino'. Atun muyuh neraruh mepad kudeng dumba, iamo' nekini muyuh pangeh lemubed inan Lun Matar, ieh ineh Luk Ngimet ulun muyuh.

Atun muyuh baken pupu Allah, iamo' nekini muyuh mangun ku pupu Allah. Atun muyuh na kali' éi' Allah, iamo' nekini muyuh pangeh nengalap éi'Neh.

Do' muyuh mepad kudeng anak luk baruh-baruh tinganak, idi do' muyuh melili ku rata luk ratnan roh, luk na pinuer, idi denganneh ineh muyuh miak mungar macing inan ulun.

O luk inanku mawa, ui mutuh nemuyuh mepad kudeng lun sakai idi lemulun luk tudo segageh bang tana' ini! Do' muyuh ngado burur muyuh ratnan amung-amung lili tana' ini luk pebunu' dengan ulun muyuh. Do' kekamen muyuh arang lun pupu baken mesiri sirendeh, pad kareb ideh ngadu' nemuyuh, idi neten nemuyuh lemulun luk dat, na miak na ideh ngiti kekamen muyuh luk do', idi ngerayeh Allah kareb Aco Tuhan macing.

Do' muyuh amé' Neneh, mepad kudeng batu luk mulun, uen mudut mangun ku aceh ruma' luk ratnan Roh, idi mangun ku imam-imam luk meligan, idi maré luk ratnan Roh idi luk petulu dengan pian Allah, ngaceku ratnan Yésus Keristus.

Ngaceku ineh do' nala' amung-amung luk dat, amung-amung balih, siayu, temaruh, idi buri' luk dat.

Do' muyuh amé' matun Tuhan, ieh ineh Batu luk Mulun, sagan pana' tila' lemulun, iamo' pa kiung Allah pinili' idi meraga.

Do' muyuh mulun mepad kudeng lemulun luk pinuit dengan na makai puit ineh mangun ku luk ngakeb luk dat, iamo' mepad kudeng demulun Allah.

Ngaceku kudeng ini luk pian Allah: Ieh pian nemuyuh niep tang lemulun luk mebacé ku kekamen muyuh luk do'.