Popular Bible Verses from 1 YAHYA 2

Share

Aleg muyuh mawa ku tana', idi amung-amung uangneh teh. Kudeng idé lemulun mawa ku tana', idi awa Taman ineh na idi bang neneh. Amung-amung luk inan bang tana', ieh ineh lili burur, lili mateh, idi ulun luk dengan dita' niat ineh, baken ratnan Taman, iamo' ratnan tana' ini.

Tana' ini miak metutu', kudeng ineh teh lilineh; iamo' ieh luk maya' pian Allah mulun ruked-ruked.

Lemulun luk mala bururneh mulun bang Allah, do' ieh mulun mepad kudeng Keristus.

O anak-anakku, ui ngayud ini kuan muyuh, pad muyuh na nganau' sala. Kudeng idé lemulun nganau' sala', idi tau inan seburur Lun Ngedengan luk idi pa kiung Taman, ieh ineh Yésus Keristus luk matu.

Idi lemulun luk pebala, “Ui miti Neneh,” iamo' na maya' ukum-ukumNeh, idi ieh mangun ku lemulun luk mebalih, idi luk matu ineh na idi bang neneh.

Kudeng tau maya' ukum-ukum Allah, tau kali' tau pangeh nengiti Neneh.

Idé-idé luk mala bururneh bang acang, iamo' ieh megateh inan kinanakneh, ieh ineh bang dacem pad macing nekini.

Idéké lun mebalih ineh? Ieh ineh lemulun luk pebala, Yésus ineh baken Keristus. Idi lemulun luk ngarung Taman idi Anak ineh, ieh ineh luk bunu' Keristus.

Idé-idé luk ngarung Anak, kali' rungen na luk idi Taman bang neneh. Idi lemulun luk ngamo Anak ineh, kali' rungen Taman ineh pana' idi bang neneh.