Popular Bible Verses from 2 Ilkorinto 4

Share

amu mme kuna naalioo king'orita kake nena nemelioo. Ore kuna naalioo naa ine nkiti kata; ore nena nemelioo naa inoo ntarasi.

Te nkaraki e na pee mikidukenya. Ore hoo naa kemusanu ake ele tung'ani li oriong amuta, kake ore ilo tung'ani lang li atua neitang'ejuki nkolong'i pooki. Ole nkiti kata ake osina lang, kake eyaki iyiook enkitoo kitok oo ntarasi nemeetae ae toki natemakini

Eironyitai iyiook te pooki oitoi, kake eitu epurdi iyiook, neimagitae iyiook kake eitu kipalari; nenang'ieki iyiook enkop, nebatati iyiook kake eitu sii emuti, neinosieki iyiook osina kake eitu sii eiturrarri iyiook.

Kake aikiaata iyiook ele shumati tiatua imasaa oo nkulupuok pee eliooyu nchere ore ina golon magilani naa Enkai eing'uaa, mme atua iyiook maate.

Ore enkai ena kop naa ninye naitamodoo nkonyek e kulo lemeiruk, pee medol ewang'an oo Lomon Supati le nkitoo e Kristo, laa ninye nyaanyukie e Nkai.

Amu ina Ai natejo, “Inchoo metawang'a ewang'an te naimin,” ninye natawang'a tiatua iltauja lang, ayaki iyiook ewang'an e yiolounoto e nkitoo e Nkai te nkomom e Kristo.