Popular Bible Verses from Matayo 16

Share

Nejoki Yesu teina kata lkipaareta lenyena, “Ore pooki tung'ani oyieu naasuj inchoo eany kewan nenap osalaba lenye naasuj.

Naajoki nanu iyie, ira Petero naa te nchumata ele soit ashet enkanisa ai; nemegilu aekata ltimito le nemeneng'a.

Naa kaaisho iyie ilboleta le nkitoria e keper ore eniyiooki aen te nkop, neaku eidipaki aateen te keper; ore enilak te nkop eidipaki aatalak te keper.”

Amu ore pooki tung'ani ojo aitajeu enkishui enye neiminie, ore pooki oiturraa enkishui enye te nkaraki nanu, neitoki atum.

Amu kaa dupoto etum oltung'ani te netum enkop pooki, neiturraa enkishui enye?

Nejoki, “Paa aijojo intae kara nanu ng'ae?” Newaliki Simon Petero ajoki, “Ira Iyie Kristo, Enkerai e Nkai naishu.”

Newaliki Yesu ajoki, “Imayiana Simon ara Yona, amu eitu kiboloki ena entoki naata osesen o sarge, kake Papa lai otii keper.