Popular Bible Verses from 1 Ilkorinto 12

Share

Neishooki pooki tung'ani ewang'an e nkiyang'et naretie ilkulikae tung'ana pooki.

Irara taata intae osesen le Kristo, nirara moobo irubat enyena.

Ore pee eme erubata nabo, nemeyu rubat pooki te nebo ina; ore pee eisisi erubata nabo, neshipa nkulie rubat pooki te nebo ina.

Keetae oloishoo Enkai engolon nairorie mbaa e ng'eno te Nkiyang'et, neishori likae meiroro mbaa e nkarriyiano e ng'eno, anaa enaisho ake ina Kiyang'et, neishori likae enkirukoto, naa teina Kiyang'et nabo ake, neishori likae nkishoorot e mbaare, naa ina Kiyang'et ake ina, neishori likae engolon naasie mbaa naagol e nking'asia, neishori likae engolon nalikiorie lomon te naibon, neishori likae enkidimata nayiolounye atirisha iltauja, neishori likae enkidimata naasishore ilng'ejepa oopaasha, neishori likae enkidimata nawalunye nkutukie.

Ore kuna pooki naa esiaai e ina Kiyang'et nabo ake, naa ninye naoriki nerishaki iltung'ana aiko anaa enayieu ninye.

pee mejing ake osesen eoro, kake pee etum ake erubata pooki airrita enkae rubata.

Keetae mpukunot oo nkishoroot e nkiyang'et, kake ena kiyang'et nabo naishoru pooki; keetae enkisiaayiare oo mpukunot kumok, kake obo ake Olkitok oisiaai; neetae mpukunot kumok e ngolon e Nkai naasisho, kake ena Ai nabo naisiaaisho te nena kidimat pooki.

Netipika Enkai atua ina sirit neiturukie lkipaareta, ile aare iloibonok le Nkai, liokuni laiteng'enak neitoki lelo ooas nkiasin e nking'asia, ilabaak, ilaretok, ilarikok o lelo ooiro too lng'ejepa oopaasha.

Ore osesen lo ltung'ani mme erubata nabo kake oloo nkumok.

Aa, ore metii ina, ore noshi rubat o sesen naashal naa ninche naata tipat oleng

Amaa naaji te naa ke nkong'u osesen pooki, kaji eitoki atii enkiok? Naa amaa te neaku pooki enkiok, kainyoo naa eitokini aaing'ueishore? Ore enatiu, Enkai natipika irubat pooki, aa naabo, nepik ilo sesen anaa enayieu ninye. Amaa naaji te naa kerubata nabo pooki, kaji eitoki atii osesen?