Popular Bible Verses from फिलिप्पी 2

Share

आपन केल भलाइ जिन खोजो ओ घमण्‍डले फुल्‍क कुछु जिन करो। तर नम्र बनो ओ औरजहन अपन्‍हेहसे असल सम्‍झो। आपन हित केल जिन खोजो, तर आनक हित फे हेरो।

टुन्‍हक मन त ख्रीष्‍ट येशूक मनअसक हुइपर्ठा।

उहाँ सड्‌डभरिक लाग परमेश्‍वरक समान रलह। उहाँ बलजब्री परमेश्‍वरक समान पलरना विचार फे नैकर्ल। तर उहाँ आपन इच्‍छले यी सब चिज छोर्ल ओ कमारा हुइल। उहाँ हमारअस मनैया होक जन्‍मल। उहाँ नम्र होक मृत्‍युसम केल नाहीँ, क्रूसक मृत्‍युसम आज्ञापालन कर्ल।

काकरकि परमेश्‍वर टुन्‍हकम सड्‍ड काम कर्टिबाट। उहाँ आपन उद्देश्‍य पूरा करक लाग टुँहन मन ओ शक्ति देठ।

उहओर्से परमेश्‍वर उहाँह सबसे उच्‍च बनैल, ओ उहाँह सबसे उच्‍च नाउँ देल। आब स्‍वर्गम, पृथ्‍वीम ओ पृथ्‍वीक टर रहल सबजन येशूक नाउँक आदर करक लाग ठिहुन ट्‍याकपर्ठा। येशू ख्रीष्‍ट जो प्रभु हुइट कैक सबजन परमेश्‍वर बाबक महिमक लाग खुल्‍लमखुल्‍ला स्‍वीकार करपर्ठा।

गनगन या वाद-विवाद नैकैक सब काम कर्टीजाओ। असिक टुह्र पापी ओ खराब मनैन्‍हक बीचम परमेश्‍वरक निष्‍खोट सन्‍तानअस निर्दोष ओ शुद्ध हुइबो। आकाशम तोरैँया चम्‍कअस टुह्र संसारम चम्‍कपर्ठा।

उहओर्से म्‍वार प्रियहुँक्र, मै टुन्‍हकसँग रहलम टुह्र सड्‍ड म्‍वार बात मन्‍लो, आब मै दूर रहलम झन् टुह्र म्‍वार बात मानपर्ना जरुरी बा। टुह्र सारा डर सहित आपन मुक्तिक काम पूरा करक लाग परिश्रम करो।