Popular Bible Verses from १ तिमोथी 3

Share

परमेश्‍वरक प्रकट करल सत्‍य सन्‍देश अचम्‍मक बा कना बातह कुई फे इन्‍कार कर नैस्‍याकट्: उहाँ मनैया होक प्रकट हुइल, उहाँ सड्‌डभर ठीक काम करल बात पवित्र आत्‍मा देखादेल, स्‍वर्गदूतहुँक्र उहाँह देख्‍ल, जाति-जातिन्‍हक बीचम उहाँक बारेम प्रचार हुइल्, संसारक मनै उहाँकम विश्‍वास कर्ल, ओ उहाँ महिमासहित स्‍वर्गम उठागैल।

मण्‍डलीक रेखदेख कर्ना मनैया कुई फे दोष लगाइ नैसेक्‍ना जीवन जिएपर्ठा, ओ आपन गोसिन्याप्रति विश्‍वासयोग्य हुइपर्ठा। ऊ आत्‍मसंयमी, समझदार, असल चालचलन रहल, मनैन स्‍वागतसत्‍कार कर्ना ओ औरजहन सिखाइ सेक्‍ना हुइपर्ठा।

ऊ आपन घर मजासे चलाइ सेक्‍ना हुइपर्ठा, ओ हुँकहार लर्कापर्का कहल मन्‍ना ओ हुँकहार आदर कर्ना हुइपर्ठा।

हरेक डिकन आपन गोसिन्याप्रति विश्‍वासयोग्य हुइपर्ठा। ऊ आपन लर्कापर्कन ओ आपन घरपरिवारन मजासे चलाइपर्ठा। डिकन होक मजासे सेवा करुइयन बरा इज्‍जत कमैहीँ ओ ख्रीष्‍ट येशूम आपन करल विश्‍वासक बारेम फे औरजहन साहससे कह सेक्‍ना क्षमता पैहीँ।