Popular Bible Verses from १ कोरिन्थी 11

Share

ओसहेँक, रोटी खाक सेक्‍ल त उहाँ अङ्‍गूरिक मद रहल खोर्‍या लेक कल, “यी म्‍वार रगतम बाहान्‍गैल् लौव बाचा हो। जब-जब टुह्र यी पिबो, म्‍वार सम्‍झनम पिहो।” याकर मतलब जब-जब टुह्र यी रोटी खैबो ओ यी खोर्‍यमसे पिबो, हरेक फ्‍यारा टुह्र प्रभु नैआइट्‍सम उहाँक मृत्‍युक प्रचार कर्बो।

काकरकि मै प्रभुसे पाइल शिक्षा टुँहन सुम्‍पदेरख्‍नु। प्रभु येशू पक्राउ पर्लक रात उहाँ रोटी लेल, ओ परमेश्‍वरह धन्‍यवाद देल ओ रोटी खन्‍टाक कल, “टुन्‍हक लाग देगैल् यी म्‍वार शरीर हो, म्‍वार सम्‍झनम असिक कर्टीरहहो।”

यी रोटी खैनासे ओ खोर्‍यमसे पिनासे आघ हरेक जन, मै का करटुँ कैक होसियारसे सोचविचार करपर्ठा। काकरकि यी रोटी खैना ओ खोर्‍यमसे पिना मनैया प्रभुक शरीरह आदर नैदेक खैलक ओ पिलक कारणले आपनम दण्‍ड अनुइया बा।

उहओर्से बेठीक हिसाबले प्रभुक रोटी खउइया ओ प्रभुक खोर्‍यमसे पिउइया प्रभुक शरीर ओ रगतक विरोधम पाप करल हुउइया बा।

मै ख्रीष्‍टक देखासिकी करलअस टुह्र म्‍वार देखासिकी करो।