Popular Bible Verses from Mat 10

Share

Haya! Masɛ n ka diɛ ka sèren bɛ́ woe don ginin bii lɔn. Bɛ lɛ taman yii, ka yiri bɔ ka dinin li ka miɛ̃ bɛ́ yiri boe a din li lon, sɛnɛ, ka goã basiɛ̃-n ka zɛrɛkantoan bɛ́ lɔn, ka baran basaã kɔ wa.

Min mɛn bɛ́ giɛ li a n din nyin tamaa, bɛa dɛnaa wɔ á die bɔ̀n biɛ. Sɛnɛ, min mɛn nyin bɛ́ re bɔ̀n biɛ masɛ taman yii, bɛa dɛnaa á die a wɔ yii.

Min mɛnɛn bɛ́ boe la ǹ gɔ̀nɔn siĩ dɛ, ǹ nə́ ǹ ba boe la ǹ telenboen dɛ wa, ka baran nyɛ́ɛ baa bɛn man wa. Lawa mɛn bɛ́ boe la a gɔ̀nɔn siĩ laanka telenboen din tumaa naa kɔn-a a ǹ kaa bɔ̀nbaa ǹ tɛ gole ne, ka nyɛ́ɛ baa bɛ nɛ.

Bɛ̀ min mɛn tá koe masɛ lɛ, bɛ̀ ǹ dɛnaa nɔmaa si a ganaa, haalɛ ta a giɛ̃ dere ǹ gɔn ganaa wa, bɛa dɛnaa doamaa bie ka masɛ-n wa.

Bɛ̀ min mɛn lɛ kɔ min tumaa yɔrɔ-a mà an masɛ wɔ lɛa, masɛ dɔ á die lɛ koe ma Di Lawa yɔrɔ-a máa bɛa dɛnaa n masɛ wɔ lɛa sonbore. Bɛ̀ min mɛn nə́ n piã ka masɛ nɛ min tumaa yɔrɔ-a, masɛ dɔ á die n piɛ̃ ka bɛa dɛnaa nɛ ma Di Lawa yɔrɔ-a.

Ka busulən busu nya, ka geren yii kaa, ka gɔ̀nɔn busu babaraa dɛnan busu nya, ka nɔ̀ɔnɔn loo ka ǹ bɔ minin ganaa. Ka n ka yɛ kooro, ka dɔn nə kɔ kooro.

Bɛ lɛ taman yii, ka baran nyɛ́ɛ baa wa, ka tá soɛ bàan bɔnboɛɛn gigiã-n Lawa yɔrɔ-a.

Ka nyan toa ka taasɛ ka masɛ n má daa ka là nyantoro-n kanaa wa. Ma bie má daa ka là nyantoro-n wa, gɔya sa nɛ má daa nɛ.