Popular Bible Verses from Zer 22

Share

Dɛnaa Lawa bɛ́ boo mɛn diɛ, á ke: «Ka kiri pepere wɔ, ka goã sonbore la. Ǹ bɛ́ mɛnɛɛ min mɛnɛn la, ka bɛn si ka ǹ kaa. Ka nyan mɛnaa tiin la wa, nɛ toenən ne ka lɔ giɔɔrɔn nɛ. Ka nyan kakaarɛbaa zɛnaa ǹ ganaa wa. Ka nyan yii tì-a mà kaa kànaa wa.

Ma ǹ zoɛ̃ li n nə n kiibaa nyaa bɛ lɛ a lɛa nɛ ń nə n kion dɔ ka Sɛdrə gɔn nɛ. A da yaa n díi goã màn bii, a n màn mii ka min tumaa bɛ́ lɔn, a n koe peperebaa lɛ, a n kiri pepere we. A sii tumaa goã bǐɛ̃ koe. A na á goã doobaan laanka nɔmaa wolen zia gii diɛ. A sii tumaa goã yɔrɔ yii. Bɛ lɛ bie masɛ Lawa doɛ̃ lɛa wa? Dɛnaa Lawa a da ǹ boo ne.

Wàa koe n ka kɛ nɛ n ganaa Zozakimu! Ń kii kion dɔ n din wɔ lɛa, kɔkɔrɔbaa gɔ́ɔ̃ nɛ. Ma n kionən doe kɔn mìi ni, mɛnaa ma la gɔ́ɔ̃ nɛ. Ma n dí-nyalin kiɛ dí kooro nyɛɛ ganaa, ń nə n ba ǹ saraa koe ǹ la wa.