Popular Bible Verses from Iza 61

Share

Dɛnaa Lawa Yiri n ma la. Hiĩ, a na á ma bɔ á ma koa, mà ma boo tii kɔɔ̃n pɛ doobaan manɛ. Min mɛnɛn bɛ́ nɔmaa nɛ, mà ma wo bɛn foo basã. Ǹ min mɛnɛn goa ǹ nə́ woo ǹ ne, mà ma wo pɛ bɛn manɛ, mà ǹ tá re ǹ kiɛ. Min mɛnɛn bɛ́ kòso ne, ǹ tá re bɛn sii ǹ nə ǹ kaa. A na á ma dia mà ma da pɛ mà Dɛnaa Lawa a bǐɛ̃baa ǹ lɛ̀ nɛ, mà Dɛnaa Lawa a gɛ̀ dòo bɔ a zɔ́ɔn ganaa ǹ lɛawaa nɛ. A na á ma dia màn mɛn bɛ́ toɛ ma gɛ̀ koa wolen yiri giã. *Siɔn minin mɛnɛn bɛ́ gɛ̀ koɛ, ma doamaa nɛ ma mɔnaa gɔn sonbore pɛnɛ ǹ mìi ganaa gɛ̀ koa ǹ ton kɛ bǎã nɛ; ma doamaa nɛ ma nyɔɔ gìĩ kɔɔ̃n kaa ǹ ganaa ǹ gɛ̀ koa kɛ dòo. Ma doamaa nɛ ma zɔ́n mɔnaa wɔ ǹ ganaa ǹ foo ziziɛ̃ kɛ dòo lɛa. Ka bɛ-n kəni, ǹ tá re ǹ bíi: «Peperebaa ǹ da, dù gɔrɔ mɛn bɛ́ Dɛnaa Lawa a siĩnbaa nyɛɛ».

Dɛnaa Lawa pɛ: «A laan sìi ka kũ, ka ǹ die là màn paa yii. A laan ǹ nə́ sɔ baraa kɔ ka ganaa, ka ǹ die n lɛ dii ka foo kɔɔ̃n nɛ ka gii kɛ taman yii. A giala, ka gii n die goɛ̃ paa ǹ gána nɛ. Foo kɔɔ̃n mɛn bɛ́ a nyɛɛ wa, ka ǹ die goɛ̃ bɛ gɔ́ɔ̃ nɛ.

Dɛnaa Lawa taman yii, ma foo á kɔɔ̃nɛ á la yii ni. Ma nə n nyɛnyɛɛ maa Lawa a lɛa. Taãn nɛ, a nà a kirisibaa kɛ koe ma lɛ ká mɔnaa bɛ́ lɔn. A peperebaa ke, a n bɛ pɛnɛ ma ganaa ka mɔnaa gole bɛ́ lɔn. Man má kɔnbɔ ka kɔn-wɔle tii ni, á zɔ́n mɔnaa gɔn yii a mìi-a ka Lawa a wúlu-bɔle bɛ́ lɔn, hinlaa, ka lɔ tii bɛ́ lɔn á nyaǹ mànan wɔ.

Kungɔnɔn kɛn ǹ nə́ kaa lɛlɛ, ǹ tá re bɛn doe. Bǎãn mɛnɛn nə ziziɛ̃ haalɛ bibi, ǹ tá re wusii ǹ bɛn dɔ. Kiwin mɛnɛn nə yu lɛlɛ, ka bǎãn kɛn nɛ ǹ nə ziziɛ̃ haalɛ bibi, ǹ tá re wusii ǹ bɛn dɔ.

Da we bɛ́ gii tán lɔn, hinlaa dù we bɛ́ boe dù gɔrɔ-n lɔn, Dɛnaa Lawa dɔ n die peperebaa laanka tɔ bɔ diɛ bɔ ganaa tɔrɔn tumaa yɔrɔ-a.

Sɛnɛ, kasɛn tɔ n die goɛ̃: «Dɛnaa Lawa a wúlu-bɔlen.» Ǹ tá re ka bíi, «Wɔa Lawa a dí-nyalin» Ka á re là yii tɔrɔ kɔsɔn gɔn mànan ganaa, ka n dinin gole kɔ ǹ naforon kɛn taman yii.

Taãn nɛ, kɔ sonborebaa lɛ n kɔɔ̃n masɛ Dɛnaa Lawa ganaa. Sɛnɛ, wurumubaa mɛn bɛ́ naa-n kɔn ka gɛ̀ dɛ nɛ, ma a golee bɛ li wa. Ma á re ka sarɛɛ ka peperebaa nɛ, ma á re lɛ kɔ kɔn la we ka ka nɛ, yǎa duduu.»